ශ්‍රීලංකන් ගුවන් සේව‍යේ ගුවන් නියමුවන් සහ කැබින් කාර්ය මණ්ඩලයට විශේෂ නිවේදනයක්
ගුවන් නියමුවන් සහ කැබින් කාර්ය මණ්ඩලය සඳහා ශ්‍රීලංකන් ගුවන් සේවය අද(29) විශේෂ නිවේදනයක් නිකුත් ක‍ර තිබෙනවා.
එම නිවේදනයේ දැක්වෙන්නේ සියලුම ශ්‍රීලංකන් ගුවන් නියමුවන් සහ කැබින් කාර්ය මණ්ඩල සාමාජිකයින් රට තුළ පවතින තත්ත්වය හේතුවෙන් සන්නිවේදන පද්ධතිවලට ඇති වන බාධා මතුව ඇති බැවින්, ගුවන් සේවයට දැනට සුපුරුදු මාර්ග හරහා සමහර කාර්ය මණ්ඩල සාමාජිකයින් වෙත ළඟා වීමට නොහැකි වීැති බවයි.
වැඩිදුර උපදෙස් සඳහා වහාම ගුවන් සේවා කාර්ය මණ්ඩල පාලන මධ්‍යස්ථානය (CCC) අමතන්නැයි ශ්‍රී ලංකන් ගුවන් සේවය සියලුම ගුවන් නියමුවන් සහ කැබින් කාර්ය මණ්ඩලයෙන් කාරුණිකව ඉල්ලා සිටි සිටිනවා.
සේවාවන් අඛණ්ඩව පවත්වාගෙන යාම සහ මෙහෙයුම් සූදානම සහතික කිරීම සඳහා කාර්ය මණ්ඩලයේ කඩිනම් ප්‍රතිචාරය ඉතා අගය කොට සලකන බවත් අදාල නිවේදනයේ සඳහන්.