සෞඛ්‍ය අමාත්‍යාංශයෙන් සියලු රෝහල් කාර්ය මණ්ඩලවලට හදිසි තත්ත්වයක් ප්‍රකාශ කරයි
දැනට මුහුණ දී ඇති හදිසි ආපදා තත්ත්වයට මුහුණ දීම සඳහා සෞඛ්‍ය හා ජනමාධ්‍ය අමාත්‍යාංශය අද(29) සිට ලබන මස 04 වැනිදා දක්වා කාලයක් මහජනතාව වෙත සෞඛ්‍ය පහසුකම් අඛන්ඩව ලබාදීම සඳහා සෞඛ්‍ය ක්ෂේත්‍රයට අදාලව හදිසි තත්ත්වයක් ප්‍රකාශයට පත්කර තිබෙනවා.
සෞඛ්‍ය හා ජනමාධ්‍ය අමාත්‍යාංශය පවසන්නේ දිත්වා සුළි කුණාටුව හේතුවෙන් ඇතිව තිබෙන අයහපත් කාලගුණික තත්ත්වය නිසා හදිසි ආපදා තත්ත්වයක් හටගෙන ඇති බැවින් පහත උපදෙස් පිළිපදින ලෙසයි.
ඊයේ සිට ක්‍රියාත්මක වන පරිදි සෞඛ්‍ය කාර්ය මණ්ඩල සඳහා නැවත දැනුම් දෙන තුරු නිවාඩු අවලංගු කර තිබෙනවා.
සියලු රෝහල් අධ්‍යක්ෂවරුන් සහ ආයතන ප්‍රධානීන් රෝගී සත්කාරක සේවා අඛණ්ඩව පැය 24 පුරා ක්‍රියාත්මක වන පරිදි රෝහල් කාර් ය මණ්ඩලය සේවයට කැඳවීමග හැකිවන පරිදි වැඩපිළිවෙලක් සකස් කළ යුතු වනවා.
රෝහල් කාර් ය මණ්ඩලය ගෙන්වා ගැනීමටත් , හදිසි තත්ත්වයකට මුහුණ දීම සඳහාත් ගිලන් රථ හා වාහන අත්‍ය වශ්‍ය වන හෙයින් වාහන වලට ඉන්ධන සපයා ගැනීමටත් ,රියදුරන් සූදානම් කර තැබීමටත් වැඩ පිළිවෙළක් යිදන ලෙස අමාත්‍යාංශය දැනුම් දෙනවා.
තවත් එවැනි කරුණු 18 කින් යුත් උපදෙස් මාලාවක් සෞඛ්‍ය හා ජනමාධ්‍ය අමාත්‍යාංශයේ ලෙකම් විශේෂඥ වෛද්‍ය අනිල් ජාසිංහ මහතාගේ අත්සනින් නිකුත් කර ඇති විශේෂ නිවේදනයේ සඳහන්.