අයහපත් කාලගුණයෙන් මරණ 123 යි – අතුරුදන් 130 ක්- කලාවැව බස් රථයේ සිටි 49 ක් මුදාගනී
මහනුවර මාතලේ පාරේ අලවතුගොඩ පොලිස් වසමේ රඹුක්ඇළ ගම්මානය අද අලුයම නායයාමකට ලක්ව තිබෙනවා.
එම ස්ථානයේ සිටි පවුල් පනහකට වැඩි පිරිසක් අතුරුදහන් බව වාර්තා වනවා.
මේ වන තෙක් සහන කණ්ඩායම් එම ස්ථානයට ලගා වී මට නොහැකි තත්ත්වයක් උද්ගතව ඇතැයි සඳහන්.
මේ අතර පැවති සුළි කුණාටු තත්ත්වය දිවයිනෙන් ඔබ්බට ගමන් කරමින් ඇතත්ෙහි බලපෑම තවම දිවයින පුරා පවතින බව ආපදා කලමණාකරන මධ්‍යස්ථානය අධ්‍යක්ෂ ජනරාල්, මේජර් ජෙනරල් (විශ්‍රාමික) සම්පත් කොටුවේගොඩ මහතා පවසනවා.
ඔහු පවසන්නේ වැස්ස යම් පමණකට අඩු තත්ත්වයක් පෙන්නුම් කළ ද ආපදා තත්වය තවම පවතින බවයි.
ඉහළ කඳුකරයට පතිත වූ අධික වැස්ස නිසා ලැබුණු ජලය පහළට ගලා එමින් තිබෙන බවත් ආපදා කළමනාකරණ මධ්‍යස්ථානය අධ්‍යක්ෂ ජනරාල්වරයා පවසනවා.
එම මධ්‍යස්ථානය ජනතාවගෙන් ඉල්ලා සිටින්නේ අනවශ්‍ය ගමන් බිමන්වල නොයෙදෙන ලෙසයි.
මේ වන විට පවුල් 1,02877 ක් විපතට පත් ඇති බව ආපදා කළමනාකරණ මධ්‍යස්ථානය අධ්‍යක්ෂ ජනරාල්වරයා සඳහන් කළා.
ඒ අනුව පුද්ගලයින් 373,428 ක් මේ වන විට අවතැන්ව සිටින බව ආපදා කළමනාකරණ මධ්‍යස්ථානය අධ්‍යක්ෂ ජනරාල්වරයා තව දුරටත් පැවසුවා.
මෙම අයහපත් කාලගුණ තත්ත්වයෙන් මියගිය පිරිස මේ වන විට 123 ක් ලෙස දැක් වෙන අතර අතුරුදන්ව සිටින පිරිස 130 ක්.
අවතැන් වූවන් වෙනුවෙන් මධ්‍යස්ථාන 488 ක් ක්‍රියාත්මක අතර එහි පවුල් 13,690 රඳවා ඇතැයි මේජර් ජෙනරල් (විශ්‍රාමික) සම්පත් කොටුවේගොඩ මහතා සඳහන් කළා.
ඔහු සඳහන් කළේ කලා ඔය පාලම මත සිර වූ බස් රථයේ සිටි මගීන්ගෙන් 49 දෙනෙකු මේ වන විට මුදාගෙන ඇති බවයි.
ජර්මන් ජාතික කාන්තාවක් සහ මහාධිකරණ විනිසුරුවරයෙකු ද ඒ අතර සිටින බව මේජර් ජෙනරල් (විශ්‍රාමික) සම්පත් කොටුවේගොඩ මහතා පැවසුවා.
ඔහු පැවසුවේ බෝට්ටු වල අවශ්‍යතාව වැඩි නමුත් එවැනි බෝට්ටු ප්‍රමාණයක් සොයා ගැනීමට අපහසු වී ඇති බවයි.