කොළඹ විපතට පත් වූවන්ගේ තත්ත්වය බලන්න විපක්ෂනායක යයි
විපතට පත් ජනතාවගේ සුවදුක් විමසීමට විපක්ෂ නායක සජිත් ප්‍රේමදාස මහතා ගොස් තිබෙනවා.
අධික වර්ෂාව සහිත කාලගුණික තත්ත්වයෙන් විපතට පත් ජනතාවගේ සුවදුක් විමසා බැලීම සඳහා විපක්ෂ නායක සජිත් ප්‍රේමදාස මහතා අද (29) කඩුවෙල ඇතුළු ප්‍රදේශ ගණනාවක සංචාරයක නිරත වුණා.
එහිදී ගංවතුරෙන් විපතට පත් ජනතාව රැඳී සිටින කඩුවෙල කොතලාවල මහා විද්‍යාලයට පැමිණි විපක්ෂ නායක සජිත් ප්‍රේමදාස මහතා විපතට පත් ජනතාවට සහන සැලසීමට ඉදිරියේදී කටයුතු කරන බව සඳහන් කර තිබෙනවා.
මේ අතර කැලණි ගංගා නිම්නයේ පහත්බිම් ජලයෙන් යටවීම හේතුවෙන් පීඩාවට පත් ජනතවාගේ සුවදුක් විමසා බැලීම සඳහා විපක්ෂ නායක සජිත් ප්‍රේමදාස මහතා ප්‍රදේශ ගණනාවක සංචාරය කර තිබෙනවා.
ජලගැලීම් නිසා පීඩාවට පත් ජනතාව රැඳවා සිටින ඵෙතිහාසික සංඛපිටිඨ විහාරස්ථානය වෙත ද ගොස් එහි සිටි ජනතාවගේ සුවදුක් සහ අඩුපාඩු සොයා බැලීමට සජිත් ප්‍රේමදාස මහතා කටයුතු කළා.
