ගෝලීය ණය ශ්‍රේණිගත කිරීම්වල ශ්‍රී ලංකාව පියවරක් ඉදිරියට
S&P ගෝලීය ශ්‍රේණිගත කිරීම් ශ්‍රී ලංකාව සඳහා ඔවුන්ගේ දිගු කාලීන සහ කෙටි කාලීන විදේශ මුදල් ස්වෛරී ණය ශ්‍රේණිගත කිරීම් ‘SD/SD’ සිට ‘CCC+/C’ දක්වා ඉහළ නංවා තිබෙනවා.
එම ආයතනය පවසන්නේ ‘CCC+/C’ දිගු කාලීන සහ කෙටි කාලීන දේශීය මුදල් ශ්‍රේණිගත කිරීම් ද තහවුරු කරන බවයි.
දිගු කාලීන විදේශ සහ දේශීය මුදල් ශ්‍රේණිගත කිරීම් දෙකෙහිම ඉදිරි දැක්ම මෙම ස්ථාවර‍යට හේතුවී තිබෙනවා.
මාරු කිරීමේ සහ පරිවර්තනය කිරීමේ තක්සේරුව ‘CCC+’ ලෙස දක්වනවා.
ජාත්‍යන්තර මූල්‍ය අරමුදලේ වැඩසටහන යටතේ ශ්‍රී ලංකාව සමාලෝචන හතරක් සම්පූර්ණ කර ඇති අතර, එමඟින් වැඩසටහන් අරමුදල් ඇමරිකානු ඩොලර් බිලියන 1.74 ක් පමණ ලබාගෙන තිබෙනවා.
මෙම පසුබිම යටතේ, මේ වසරේ ශ්‍රී ලංකාවේ ආර්ථික වර්ධනය ශක්තිමත් ලෙස යථා තත්ත්වයට පත්වනු ඇතැයි S&P ගෝලීය ශ්‍රේණිගත කිරීමේ ආයතනය විශ්වාසය පළ කරනවා.
දෙවන කාර්තුවේ සැබෑ දළ දේශීය නිෂ්පාදිත වර්ධනය 4.9% ක් වූ අතර එය 2024 සිට ශක්තිමත් ගම්‍යතාවයක් මත ගොඩනැගී ඇතැයි S&P ගෝලීය ශ්‍රේණිගත කිරීමේ ආයතනය සදහන් කරනවා.
එම ආයතනය දක්වන්නේ ආර්ථික අර්බුදයට පෙර ආර්ථික වශයෙන් දීප්තිමත් ස්ථාන වූ කෘෂිකර්මාන්තය, රෙදිපිළි සහ ඇඟලුම් නිෂ්පාදනය සහ සංචාරක ව්‍යාපාරය ඇතුළු අංශ හරහා ආර්ථිකය හොඳින් ක්‍රියාත්මක වන බවයි.
ශ්‍රී ලංකන් ගුවන් සේවයේ රජය විසින් සහතික කරන ලද බැඳුම්කර ඇතුළුව, තවමත් පැහැර හැර ඇති වාණිජ ණය සම්බන්ධයෙන් ශ්‍රී ලංකාව ණයහිමියන් සමඟ ක්‍රියාකාරීව සාකච්ඡා කරමින් සිටියද, කාලයාගේ ඇවෑමෙන්, වත්මන් තත්ත්වයන් යටතේ තවදුරටත් විසඳුමක් ලබා ගැනීමට නොහැකි වී ඇතැයි S&P ගෝලීය ශ්‍රේණිගත කිරීමේ ආයතනය පවසනවා.
ශ්‍රී ලංකාවේ ආර්ථිකය 2022 ආර්ථික අර්බුදයෙන් ක්‍රමයෙන් යථා තත්ත්වයට පත්ව ඇති අතර, සමහර සාර්ව ආර්ථික දර්ශක දැනටමත් අර්බුදයට පෙර මට්ටම් ඉක්මවා ගොස් ඇතැයි ද ඔවුන් නිකුත් කළ වාර්තාවේ සදහන්.
ඔවුන් පෙන්වා දෙන්නේ කෙසේ වෙතත්, එහි බොහෝ බාහිර ණය ප්‍රතිව්‍යුහගත කිරීමෙන් පසුව පවා එහි ණය බර ඉහළ මට්ටමක පවතින බවයි.