පේරාදෙනිය විශ්වවිද්‍යාල සිසුන්ට අවශ්‍ය පහසුකම් සැලසීමට පියවර – ගෙලිඔය සහ ගම්පළටත් සහන කණ්ඩායම්
පේරාදෙනිය විස්වවිද්‍යාලයේ සිටින සිසුන්ට අවශ්‍ය පහසුකම් සැලසීම වෙනුවෙන් අවශ්‍ය මැදිහත්වීම් සිදුකර ඇතැයි මහනුවර දිස්ත්‍රික් පාර්ලිමේන්තු මන්ත්‍රී තනුර දිසානායක මහතා පවසනවා.
ඔහු පැවසුවේ විශ්වවිද්‍යාලය තුල 6000 ත් 8000 ත් අතර පිරිසක් සිටින අතර ඔවුන්ට අවශ්‍ය ජලය සැපයීම මෙන්ම ආහාර කිසියම් ප්‍රමානයක් ද සැපයීමට කටයුතු කර ඇති බවයි.
මීට අමතරව විශ්වවිද්‍යාලයේ ආපන ශාලාවලට අවශ්‍ය ගෑස් සහ ජලය සපයා ඇති බැවින් එම ස්ථානවල ආහාර පිසගැනීමේ පහසුව ද සලසා ගතහැකි බව මන්ත්‍රීවරයා සඳහන් කළා.
පාර්ලිමේන්තු මන්ත්‍රී තනුර දිසානායක මහතා පැවසුවේ විදුලිය බිඳවැටීම සහ සන්නිවේදනය බිඳවැටීම කඩිනමින් යථාතත්ත්වයට පත් කි‍රීමට කටයුතු කරමින් සිටින බවයි.
බොහෝ පිරිසක් සන්නිවේදනය බිඳවැටීමෙන් සම්බන්ධීකරණය කර ගැනීමේ ගැටලුවක් පවතින නමුත් ගෙලිඔය සහ ගම්පොළ ප්‍රදේශවල සිරවී සිටින පිරිස් මුදාගැනීම සඳහා යුද හමුදා සහන කණ්ඩායම් ගොස් සිටින බවත් ඊයේ රාත්‍රිය වනවිට විශාල පිරිසක් මුදාගැනීමට හැකි වූ බවත් දිසානායක මහතා සඳහන් කළා.
දැනට ගලගෙදර මාර්ගය පමණක් ගමනා ගමනයට සුදුසු තත්ත්වයට පත් කර ගැනීමට හැකි වූ බවත් , සෙසු මාර්ග කඩිනමින් යථාතත්ත්වයට පත් කරගැනීමට අවශ්‍ය පිඅයවර ගනිමින් සිටින බවත් ඔහු පැවසුවා.
