රන්ටැඹේ – මහියංගන සම්ප්‍රේෂණ රැහැන් මාර්ගය විනාශයි
රන්ටැඹේ – මහියංගන කි.වො.132 සම්ප්‍රේෂණ රැහැන් මාර්ගය විනාශ වී යාමෙන් විදුලිය සැපයුමට බාධා පැමිණ ඇතැයි ලංකා විදුලි බල මණ්ඩලය පවසනවා.
මිනිපේ ප්‍රදේශයේ ස්ථාපිත කර තිබූ සම්ප්‍රේෂණ කුලුණ (Transmission Tower) සැඩපහරට හසුවී සම්පූර්ණයෙන් ගැලවී ගොස් තිබෙනවා.
ව්‍යසන තත්ත්වය හේතුවෙන් දිවයින පුරා බිඳවැටීම් ඉතා විශාල ප්‍රමාණයක් වාර්තා වී ඇති අතර එම බිඳවැටීම් කඩිනමින් යථාතත්ත්වයට පත් කිරීමට ලංවිම කළමනාකාරීත්වය සහ කාර්ය මණ්ඩලය කැපවී කටයුතු කරමින් සිටීන බව එම මණ්ඩලය නිවේදනය කරනවා.
