වැස්ස නැතත් අනතුර එහෙමමයි – නිවෙස්වලට යන්න එපා
සුළි කුණාටු තත්ත්වය දිවයිනෙන් බැහැරට ගමන් කිරීමත් සමග සෘජු බලපෑම් ඉවත් වුවද වක්‍ර බලපෑම් තවදුරටත් පවතින බව ජනාධිපති මාධ්‍ය අංශය නිවේදනය කරනවා.
එම මාධ්‍ය අංශය ජනතාවට දැනුම් දෙන්නේ නිවෙස් කරා යාමෙන් වලකින ලෙසයි.
සුළි කුණාටු තත්ත්වය දිවයිනෙන් බැහැරට ගමන් කිරීමත් සමග සෘජු බලපෑම් ඉවත් වුවත් වක්‍ර බලපෑම් තවදුරටත් පවතින බැවින් උතුර ,උතුරු මැඩ,ඊසාන දිග සහ මධ්‍යම පළාතේ ඇතැම් ස්ථානවල මි.මී. 100 ඉක්මවන වර්ෂාපතනයක් ලැබීමේ හැකියාව පවතින බව කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණානායක මහතා පවසනවා.
ඔහු පෙන්වා දෙන්නේ මීට අමතරව බස්නාහිර සහ සබරගමුව පළාත්වල මි.මී. 50 ඉකම වූ වැසි ඇතිවිය හැකි බවයි.
සුළි කුණාටු තත්ත්වය හේතුවෙන් සිදු වූ විදුලි රැහැන් පද්ධති කඩා වැටීම තවමත් සම්පූර්ණයෙන් යථාතත්ත්වයට පත් කර නැති අතර අදාල ආයතන ඒ පිළිබඳ නිසි දැනුම් දීමක් කරන තුරු ඒ පිළිබඳ අවධනයෙන් කටයුතු කරන ලෙසට ද කරුණානායක මහතා පැවසුවා.
ගංවතුර බලපෑ ප්‍රදේශවල ලිං ශුද්ධ කිරීමෙන් තොරව එම ජලය පානයෙන් වලකින ලෙසත් ,එමගින් සෞඛ්‍ය ගැටලු රාශියක් මගහරවා ගත හැකි බවත් අතුල කරුණානායක මහතා පෙන්වා දුන්නා.
ඔහු පැවසුවේ මෙහි වක්‍ර බලපෑම තවදුරටත් පැවතිය හැකි බැවින් දිවයින තුල සහ අවට මුහුදු තීරයේ සුළගේ වේගය පැ.කි.මී. 60 -70 දක්වා ඉහළයාමේ තත්ත්වයක් ඇතිවිය හැකි බවට ද කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් අනතුරු ඇඟවීමක් කළා.
මෙම ව්ක්‍ර බලමෑම ද හෙට (30) වන විට දිවයිනෙන් සම්පූර්ණයෙන්ම බැහැර ව්නු ඇතැයි පවසන අතුල කරුණානායක මහතා , ඉන්පසු සාමාන්‍ය කාලගුණයක් පවතිනු ඇතැයි ද අනාවැකි පළ කළා.