අනතුරු ඇඟවීමකින් තොරව ආණ්ඩු විරෝධීන්ට වෙඩි තැබීමට කසකස්තානයේ නායකයාගෙන් නියෝග
කසකස්තානයේ නායකයා පවසා තිබෙන්නේ රාජ්‍ය විරෝධී විරෝධතාවලට එරෙහිව ප්‍රචණ්ඩකාරී මර්දනයක් මධ්‍යයේ, “අනතුරු ඇඟවීමකින් තොරව වෙඩි තබන ලෙස” ආරක්ෂක අංශවලට නියෝග කළ බවයි.
ඉන්ධන මිල ඉහළ දැමීමත් සමඟ ඇති වූ විරෝධතාවල කේන්ද්‍රස්ථානය වූ අල්මාටිහි හි ප්‍රධාන නගරයට කොල්ලකරුවන් 20,000 පමණ පහර දුන් බව ජනාධිපති Kassym-Jomart Tokayev ප්‍රකාශ කරනවා.
එරට අභ්‍යන්තර කටයුතු අමාත්‍යාංශය පවසන්නේ මේ වන විට නොසන්සුන්තාවයෙන් සන්නද්ධ අපරාධකරුවන් 26 දෙනෙකු සහ ආරක්ෂක නිලධාරීන් 18 දෙනෙකු මියගොස් ඇති බවයි.
රූපවාහිනී දේශනයකදී එරට ජනාධිපතිවරයා විරෝධතාකරුවන් සමඟ සාකච්ඡා පැවැත්වීම ප්‍රතික්ෂේප කර තිබෙන අතර : “අපට අපරාධකරුවන් සහ මිනීමරුවන් සමඟ කුමන ආකාරයේ සාකච්ඡා පැවැත්විය හැකිද? යනුවෙන් පවසා තිබෙනවා
රුසියාවෙන් සහ අසල්වැසි ප්‍රාන්තවලින් එවන ලද සාම සාධක හමුදා තම ඉල්ලීම මත පැමිණ ආරක්ෂාව තහවුරු කිරීම සඳහා තාවකාලික පදනමින් රට තුළ සිටින බවද ජනාධිපති ටෝකෙව් වැඩිදුරටත් සඳහන් කරනවා
ඉන්ධන මිල සීමාව මාස හයකට යථා තත්ත්වයට පත් කරන බව රජය පැවසුවත් පුළුල් වී ඇති විරෝධතා අවසන් කිරීමට එම නිවේදනය අසමත් වී තිබෙන බව විදෙස් මාධ්‍ය වාර්තා කරනවා.