අනුරාධපුරයේ බිහිසුණු අනතුරක් – තිදෙනෙකු මරුට
අනුරාධපුරය, රඹෑවේ අද(09) අළුයම සිදුවූ බිහිසුණු අනතු‍රකින් තිදෙනෙකු මියගොස් තිබෙනවා.
අනුරාධපුර, රඹෑව මාර්ගයේ මෙම අනතුර සිදුව ඇති බවයි පොලිසිය සඳහන් කරන්නේ.
මාර්ගයේ ගමන් කරමින් සිටි පිරිසකගේ කැබ් රථයක් ගැටීමෙන් මෙම අනතුර සිදුව ඇති බව සඳහන්.
සංගීත සංදර්ශනයකින් අනතුරුව නිවෙස් බලා ගමන් කරමින් සිටි පිරිසක් මෙලෙස අනතුරට ලක්වූ බවයි වාර්තා වන්නේ.
පිරිමි පුද්ගලයින් තිදෙනෙකු අනතුරින් මියගොස් ඇති අතර අතර කාන්තාවන් දෙදෙනෙකු තුවාල ලබා අනුරාධපුර රෝහලට ඇතුළු කර තිබෙනවා.
එමෙන්ම අනතුර සිදුකළ කැබ් රථය පළාගොස් ඇති බවයි පොලිසිය සඳහන් කරන්නේ.