අපරාධ 03කට අවශ්‍ය කර සිටි සැකකරුවෙක් අත්අඩංගුවට
ගල්නෑව ප්‍රදේශයේදී සැකකටයුතු යතුරුපැදියක් පරික්ෂා කර යතුරුපැදිය සමග සැකකරුවෙකු අත්අඩංගුවට ගෙන තිබෙනවා
පොලිසිය පැවසුවේ සැකකරුගෙන් සිදු කරන ලද ප්‍රශ්න කිරීමේදී යතුරුපැදිය දඹුල්ල පොලිස් වසමේදී සොරකම් කරන ලද යතුරුපැදියක් බවට අනාවරණය වූ බවයි
ඒ අනුව සැකකරු සම්බන්ධයෙන් සිදුකරන ලද වැඩිදුර විමර්ශනයේදී ගල්නෑව පොලිස් ස්ථානයට වාර්තා වූ යතුරුපැදි සොරකම් කිරීමේ අපරාධ 03කට අවශ්‍ය කර සිටි සැකකරුවෙකු බවට ද එහිදී අනාවරණය වී තිබෙනවා
අත්අඩංගුවට ගත් සැකකරු වයස අවුරුදු 49 ක් වන මිදිවත්ත, මරදන්කඩවල ප්‍රදේශයේ පදිංචිකරුවෙක්
සිද්ධිය සම්බන්ධයෙන් ගල්නෑව පොලිසිය වැඩිදුර විමර්ශන සිදු කරනු ලබනවා