අමෙරිකාවෙන් ශ්‍රී ලංකාවට සියයට 44ක තීරු බද්දක්
අමෙරිකානු ජනාධිපති ඩොනල්ඩ් ට්‍රම්ප් විසින් ශ්‍රී ලංකාවෙන් ආනයනය කරන සියලුම භාණ්ඩ සඳහා 44%ක තීරු බද්දක් පැනවීමට තීරණය කර තිබෙනවා
අමෙරිකානු ජනාධිපතිවරයා ඊයේ (02) මේ සම්බන්ධයෙන් ප්‍රකාශය සිදු කළ අතර අනිද්දා (05) දිනයේ සිට එම බදු පැනවීම ක්‍රියාත්මක බවයි විදෙස් මාධ්‍ය වාර්තා පැවසුවේ
ජනාධිපති ඩොනල්ඩ් ට්‍රම්ප් පැවසුවේ අමෙරිකාවට ආනයනය කෙරෙන සියලුම භාණ්ඩ සඳහා 10% මූලික තීරුබදු අය කෙරෙන අතර රටවල් 60කට නව තීරු බලපාන බවයි
අමෙරිකානු කර්මාන්තය නැවත ඉපදුණු දිනය, අමෙරිකාවේ ඉරණම නැවත ලබා ගත් දිනය සහ රට නැවත ධනවත් කිරීමට පටන් ගත් දිනය ලෙස අප්‍රේල් 2 වැනිදා මතකයේ රැඳෙනු ඇති බවද අමෙරිකානු ජනාධිපතිවරයා ප්‍රකාශ කර තිබෙනවා
