අමෙරිකාවේ හිටපු ජනාධිපති Jimmy Carter ගේ බිරිඳ ජීවිතක්ෂයට
හිටපු එක්සත් ජනපද ජනාධිපති ආර්යාවක වන Rosalynn Carter ජීවිතක්ෂයට පත්ව තිබෙනවා
ඇය හිටපු ජනාධිපති Jimmy Carter ගේ බිරිඳ වන අතර මිය යනවිට 96 හැවිරිදි වියේ පසුවුණා
කාටර් මධ්‍යස්ථානය නිවේදනයක් නිකුත් කරමින් ඇය මිය ගිය බවට තහවුරු කර ඇති බවයි පැවසෙන්නේ
පසුගිය ජූලි මාසයේදී ඔවුන්ගේ 77 වැනි විවාහ සංවත්සරය ඔවුන් සැමරූ අතර එහිදී Jimmy Carter සඳහන් කළේ “මට අවශ්‍ය වූ විට ඇය මට ප්‍රඥාවන්ත මග පෙන්වීමක් සහ දිරිගැන්වීමක් ලබා දුන් බවයි .
එමෙන්ම රොසලින් ලෝකයේ සිටින තාක් කල්, කවුරුන් හෝ මට ආදරය කරන සහ සහයෝගය දක්වන බව දැන සිටි බවත් ඔහු පවසා තිබෙනවා
Eleanor Rosalynn Smith නමින් 1927 අගෝස්තු 18 වැනිදා ඇය උපත ලැබුවා
පසුව 1946 ජූලි 7 වන දින ජනාධිපති Jimmy Carter සමග විවාහවීමෙන් පසු දරුවන් හතර දෙනෙකු බිහි කරනු ලැබූ බවද සඳහන්
2015 දී මුණුබුරෙකු අහිමි වීමෙන් පසු ඇයට මුනුබුරු මිනිබිරියන් 11 දෙනෙකු සහ මී මුණුබුරන් 14 දෙනෙකු ද සිටිනවා .
ජෝර්ජියාවේ ජනාධිපති ආර්යාව ලෙස ඇය මානසික රෝගීන් සඳහා වන සේවාවන් වැඩිදියුණු කිරීම සඳහා ආණ්ඩුකාර කොමිෂන් සභාවක සාමාජිකාවක් වූ අතර, එක්සත් ජනපද ජනාධිපති ආර්යාව ලෙස ඇය 1980 පනතක් සම්මත කිරීමට ප්‍රධාන වූ මානසික සෞඛ්‍යය පිළිබඳ ජනාධිපති කොමිසමේ සභාපතිනිය වූවාය.
වොෂිංටන් හැර ගිය පසු ඇය සහ ඇගේ සැමියා 1982 දී කාටර් මධ්‍යස්ථානය ආරම්භ කළ අතර, එමගින් ඇය මානසික සෞඛ්‍යය, මුල් ළමාවිය ප්‍රතිශක්තිකරණය සහ අනෙකුත් මානුෂීය හේතූන් සඳහා ඇයගේ උපදේශන කටයුතු කරගෙන ගිය බවයි පැවසෙන්නේ
මෙම යුවළ Habitat For Humanity පුණ්‍යායතනයේ ප්‍රධාන පුද්ගලයින් ද වූ අතර, අවශ්‍යතා ඇති පවුල් සඳහා නිවාස තැනීමට උදව් කරනු ලැබුවා