අවුරුදු 6ක දරුවෙකුගේ දිවි ගමන නිම කළ ඛේදවාචකය
මන්නාරම -තලෙයිමන්නාරම ප්‍රධාන මාර්ගයේ ඔලෙයිතුඩුවායි පාලම අසලදී ත්‍රී රෝද රථයක් මාලු ප්‍රවාහනය කරමින් තිබූ වෑන් රථයක ගැටීම නිසා වයස අවුරුදු 6 ක පාසල් ශිෂ්‍යයෙකු ජීවිතක්ෂයට පත්ව තිබෙනවා.
අනතුරෙන් තවත් තුන් දෙනෙකු බරපතල තුවාල ලබා ඇති බවයි පොලිසිය සඳහන් කළේ.
මිය ගිය දරුවාගේ මව, වයස අවුරුද්දක නැගණිය හා ත්‍රී රෝද රථයේ රියදුරු බරපතල තුවාල ලබා පේසාලේ රෝහලට ඇතුළත් කර තිබෙනවා.
අදාළ වෑන් රථය , ත්‍රී රෝද රථය සමග ගැටීමෙන් අනතුරුව ත්‍රී රෝද රථය කලපුව දෙසට පෙරළී ගොස් ඇති අතර වෑන් රථයේ රියදුරු පේසාලේ පොලීසිය විසින් අත්අඩංගුවට ගෙන තිබෙනවා.
