
ආර්ථික ප්රගතියේ ප්රතිලාභ සාමාන්ය ජනතාවටද හිමි විය යුතුයි -ජනපති-
යළි ගොඩනැඟෙමින් තිබෙන ශ්රී ලංකාවේ නව ආයෝජන අවස්ථා සඳහා දෙස් විදෙස් මහා පරිමාණ ආයෝජකයන්ට ආරාධනා කරන අතරම පසුගිය ආර්ථික අර්බුදය හමුවේ පීඩාවට පත් වූ මෙරට සුළු හා මධ්ය පරිමාණ ව්යාපාරිකයන් නගා සිටුවීමේ වැඩපිළිවෙළ රජය ක්රියාත්මක කර තිබෙන බව ජනාධිපති රනිල් වික්රමසිංහ මහතා පවසනවා.
ජනාධිපතිවරයා මේ බව සඳහන් කර සිටියේ කොළඹ ශ්රී ලංකා ප්රදර්ශන හා සම්මේලන ශාලාවේ පැවති වෘත්තීය ත්රිරෝද රථ හා ප්රවාහන සංගම් නියෝජිතයන් සමඟ පැවති හමුවට එක්වෙමින්.
මේ වන විට ශ්රී ලංකාව ලබා තිබෙන ආර්ථික ප්රගතියේ ප්රතිලාභ සාමාන්ය ජනතාවටද හිමි විය යුතු එහිදී සඳහන් කළ ජනාධිපතිවරයා එම වගකීමෙන් කිසිවිටෙකත් බැහැර නොවන බවයි ප්රකාශ කර ඇත්තේ.
එහිදී ත්රිරෝද රථ රියැදුරන්ගේ වෘත්තීය අයිතිවාසිකම් ආරක්ෂා කිරීම ඇතුළු අදහස් හා යෝජනා ඇතුළත් සංදේශයක් ප්රවාහන සංගම්වල නියෝජිතයන් විසින් ජනාධිපතිවරයා වෙත භාරදීමද සිදුවූ බව ජනාධිපති මාධ්ය අංශය සඳහන් කළා.