ඇමෙරිකාවේ නිවාස සංකීර්ණයක ගින්නකින් 12ක් ජීවිතක්ෂයට -ළමුන් අටකුත් ඒ අතර (VIDEO)
ඇමෙරිකාවේ ෆිලඩෙල්ෆියා නගරයේ මහල් ගොඩනැගිල්ලක ඇති වූ ගින්නකින් පුද්ගලයන් 12 දෙනෙකු මියගොස් තවත් කිහිප දෙනෙකු තුවාල ලබා තිබෙන බව විදෙස් මාධ්‍ය පවසනවා.
මියගිය අය අතර ළමුන් අට දෙනෙකු සිටින බව ෆිලඩෙල්ෆියා ගිනි නිවීමේ දෙපාර්තමේන්තුවේ නිලධාරියෙක් සඳහන් කර තිබෙනවා.
නගරයේ උතුරේ පිහිටි පොදු නිවාස සංකීර්ණයක මෙම ගින්න ඇතිවී තිබෙන අතර එරට නියෝජ්‍ය ගිනි නිවීමේ කොමසාරිස් ක්‍රේග් මර්ෆි පවසා තිබෙන්නේ එය තමා මෙතෙක් දැක ඇති දරුණුතම ගින්නෙන් එකක් බවයි.
තවත් නිවැසියන් අට දෙනෙකු ගොඩනැගිල්ලෙන් පැන බේරීමට සමත් වූ බව ඔහු වැඩිදුරටත් සඳහන් කරනවා.