ඇෆ්ගනිස්ථාන-පාකිස්ථාන දේශසීමා හරස් මාර්ගයක් විවෘත කරයි
ඇෆ්ගනිස්ථානය සහ පාකිස්ථානය අතර තීරණාත්මක වෙළඳ සහ සංක්‍රමණ මාර්ගයක් වන ටෝර්කාම් දේශසීමා හරස් මාර්ගය යළි අර්ධ වශයෙන් විවෘත කිරීමට තලෙයිබාන් සංවිධානය තීරණය කර තිබෙනවා.
ඒ, භාණ්ඩ ප්‍රවාහනය කරන ට්‍රක් රථ, වාණිජ භාණ්ඩ සහ රෝගීන් සඳහා යි.
ලබන 21 වනදා ටෝර්කාම් දේශසීමා හරස් මාර්ගය මෙලෙස විවෘත වනු ඇති.
තලෙයිබාන් සංවිධානය විසින් නව දේශසීමා මුරපොලවල් ඉදිකිරීම හේතුවෙන් අදාළ මාර්ගය වසා දැමීමට පාකිස්ථාන බලධාරීන් පියවර ගත් අතර දින 27ක කාලයක් එය වසා දමා තිබුණා.
මෙම දේශසීමා මාර්ගය වසා දැමීම නිසා දෙරටේම ව්‍යාපාරවලට දිනකට අමෙරිකානු ඩොලර් මිලියන 3 ක පමණ පාඩුවක් සිදුවී ඇති බවට ඇස්තමේන්තු කර ඇති බව සඳහන්.