ඊශ්‍රායල යුද්ධය ආරම්භ වූ දා සිට මිය ගිය පලස්තීනුවන් ගණන 50,000 ඉක්මවයි
ඊශ්‍රායල යුද්ධය ආරම්භ වූ දා සිට ගාසා තීරයට එල්ල කළ ප්‍රහාරවලින් පලස්තීනුවන් 50,021ක් අවම වශයෙන් මියගොස් ඇති බව ගාසා හි සෞඛ්‍ය අමාත්‍යාංශය පවසනවා
විදෙස් මාධ්‍ය වාර්තා පැවසුවේ මේ හේතුවෙන් පුද්ගලයින් 113,274 ක් තුවාල ලබා ඇති බවයි
ගාසාහි රජයේ මාධ්‍ය කාර්යාලය සිය මරණ සංඛ්‍යාව 61,700ක් බවටයි වාර්තා කර ඇත්තේ.
එමෙන්ම, සුන්බුන් යට අතුරුදහන් වූ පලස්තීන ජාතිකයන් දහස් ගණනක් මිය ගොස් ඇති බවටයි අනුමාන කෙරෙන්නේ.
2023 ඔක්තෝබර් 7 වන දින හමාස් නායකත්වයෙන් යුත් ප්‍රහාරවලදී ඊශ්‍රායලයේ අවම වශයෙන් පුද්ගලයින් 1,139 දෙනෙකු මිය ගිය අතර 200 කට වැඩි පිරිසක් ප්‍රාණ ඇපයට ගනු ලැබූවා