එක්සත් ජාතීන්ගේ ජනගහන අරමුදලේ නියෝජිතයා අහ්‍රාමාත්‍යවරිය මුණ ගැසේ
මෙරට නිල සේවා කාලය අවසන් කරන එක්සත් ජාතීන්ගේ ජනගහන අරමුදලේ (UNFPA) නියෝජිත Kunle Adeniyi මහතා සහ අග්‍රාමාත්‍ය ආචාර්ය හරිනි අමරසූරිය මෙනෙවිය අතර හමුවක් සිදුව තිබෙනවා.
අග්‍රාමාත්‍ය කාර්යාලය පැවසුවේ මෙම හමුවේදී Adeniyi මහතා සිය නිල සේවා කාලය තුළ එක්සත් ජාතීන්ගේ ජනගහන අරමුදලේ වෙත ශ්‍රී ලංකාවෙන් ලැබුණු සහයෝගය අගය කළ බවයි.
ජාතික කාන්තා කොමිෂන් සභාව පිහිටුවීම සඳහා අග්‍රාමාත්‍යවරිය දැක්වූ නායකත්වය පිළිබඳව ඔහු විශේෂයෙන් සිය ස්තූතිය පළ කළ බව අග්‍රාමාත්‍ය කාර් යාලය සදහන් කළා.
අරමුදලේ මෙහෙවර ඉදිරියට ගෙන යාම සඳහා ශ්‍රී ලංකාවේ හවුල්කරුවන් දැක්වූ වෘත්තීයභාවය සහ කැපවීම ද Adeniyi මහතා ගේ ඇගයීමට ලක්ව තිබෙනවා.
මෙම හමුවට දෙපාර්ශ්වයේම ජ්‍යෙෂ්ඨ නිලධාරීන් සහභාගී වී සිටියා.
