කැනඩා ඇමෙරිකා දේශසීමා අසල දැඩි සීතලක් -දරාගත නොහැකිව සිව් දෙනෙක් මරුට
කැනඩාවේ ඇමෙරිකානු දේශසීමාව ආසන්නයේ හිම සහිත ප්‍රදේශයක තිබී බිළිඳෙකු ඇතුළු සිව් දෙනෙකුගේ සිරුරු සොයා ගැනීමට එරට පොලිසිය සමත් වී තිබෙන බව විදෙස් මාධ්‍ය සඳහන් කරනවා.
අධික ශීතල හේතුවෙන් මෙම පිරිස මිය ගොස් ඇති බව එරට නිලධාරීහු පවසනවා.
මැනිටෝබා හි එමර්සන් අසල පිරිමි පුද්ගලයෙකුගේ , කාන්තාවකගේ,පිරිමි ළමයෙකුගේ සහ ළදරුවෙකුගේ සිරුරු සොයා ගෙන තිබෙන බව සඳහන්.
මියගිය අය ඉන්දියාවේ සිට පැමිණි පවුලක් බවට විශ්වාස කරන බව ඇමෙරිකානු බලධාරීහු පවසනවා.
ඔවුන් එක්සත් ජනපදයට ඇතුළු වීමට උත්සාහ කර ඇති බවයි විශ්වාස කෙරෙන්නේ
තවත් ඉන්දීය සංක්‍රමණිකයන් දෙදෙනෙකු බරපතල තුවාල ලබා රෝහල් ගත කර ඇති බව වැඩිදුරටත් විදෙස් මාධ්‍ය වාර්තා කරනවා.