කැනේඩියානු සික් නායකයාගේ මරණයට ඉන්දියාව සම්බන්ධ විය හැකියි – අගමැති ජස්ටින් ටෘඩෝ (VIDEO)

කැනඩාවේ සික් නායක Hardeep Singh Nijjar ට වෙඩි තැබීමේ සිද්ධිය පිටුපස ඉන්දීය රජය සිටිය හැකි බව එරට අගමැති ජස්ටින් ටෘඩෝ පවසා තිබෙනවා

Hardeep Singh Nijjarව බ්‍රිතාන්‍ය කොලොම්බියාවේදී ජූනි 18 වනදා සික් කෝවිලක් අසලදී වෙඩි තබා ඝාතනය කරනු ලැබුවා

ඔහුගේ මරණය සහ ඉන්දීය රාජ්‍යය අතර විශ්වසනීය සම්බන්ධයක් කැනේඩියානු බුද්ධි අංශ විසින් හඳුනාගෙන ඇති බවයි අගමැති ජස්ටින් ටෘඩෝ පවසන්නේ

පසුගියදා පැවති G 20 සමුළුවේදී ඔහු ඉන්දීය අග්‍රාමාත්‍ය නරේන්ද්‍ර මෝදි සමග මෙම ප්‍රශ්නය සාකච්ඡා කළ බවද ටෘඩෝ සඳහන් කරනවා

“කැනේඩියානු භූමියේදී පුරවැසියෙකු ඝාතනය කිරීමට විදේශීය රජයක් සම්බන්ධ වීම අපගේ ස්වෛරීභාවය පිළිගත නොහැකි උල්ලංඝනයක් ” යනුවෙන් ද අගමැති ජස්ටින් ටෘඩෝ පාර්ලිමේන්තුවේ දී පවසා සිටි බවද විදෙස් මාධ්‍ය පවසනවා

Hardeep Singh Nijjarගේ ඝාතනයට කිසිදු සම්බන්ධයක් නොමැති බව ඉන්දියාව මීට පෙරද සඳහන් කරමින් ප්‍රතික්ෂේප කරනු ලැබුවා

මෙම නඩුව සම්බන්ධයෙන් කැනඩාව ඉන්දීය රාජ්‍ය තාන්ත්‍රිකයෙකු වන පවන් කුමාර් රායි නෙරපා හරින ලද බවද විදේශ ඇමතිනි මෙලනි ජොලි අගමැති ටෘඩෝගේ ප්‍රකාශයෙන් පසුව වාර්තාකරුවන්ට පවසා තිබෙනවා

Nijjarගේ මරණය සම්බන්ධයෙන් සිදුවෙමින් පවතින විමර්ශනය හේතුවෙන් කැනේඩියානු නිලධාරීන්ට මෙම නඩුව පිළිබඳව ප්‍රසිද්ධියේ පැවසිය හැකි දේ සීමිත බවයි විදේශ ඇමතිනි මෙලනි ජොලි සඳහන් කරන්නේ

45 හැවිරිදි Hardeep Singh Nijjar වැන්කුවර් සිට නැගෙනහිරින් කිලෝමීටර් 30ක් පමණ දුරින් පිහිටි සරේ හි රථගාලකදී තුවක්කුකරුවන් දෙදෙනෙකු විසින් ඔහුගේ වාහනය තුළදී වෙඩි තබා ඝාතනය කරනු ලැබුවා

ඔහු බ්‍රිතාන්‍ය කොලොම්බියාවේ බටහිර-ඉතාම පළාතේ ප්‍රමුඛ සික් නායකයෙකු වූ අතර ඉන්දියාවේ පන්ජාබ් ප්‍රදේශයේ ස්වාධීන සික් නිජබිමක් වන ඛලිස්තානය සදහා ප්‍රචාරක කටයුතු කර ඇති අතර ඔහුගේ ක්‍රියාකාරීත්වය නිසා පසුගිය කාලයේ තර්ජන එල්ල වූ බවද පැවසෙනවා

කෙසේවෙතත් ඉන්දියාව මීට පෙර ඔහුව හඳුන්වා ඇත්තේ සටන්කාමී බෙදුම්වාදී කණ්ඩායමකට නායකත්වය දුන් ත්‍රස්තවාදියෙකු ලෙසයි

Hardeep Singh Nijjarගේ මරණය සම්බන්ධයෙන් කැනඩාව සිය කණස්සල්ල ඉන්දියාවේ ඉහළ මට්ටමේ ආරක්ෂක සහ බුද්ධි අංශ වෙත ප්‍රකාශ කර ඇති බව අගමැති ටෘඩෝ පවසනවා