ගිනි අවි සන්තකයේ තබා ගෙන සිටි පුද්ගලයෙක් අත්අඩංගුවට
වැලිපැන්න, තල්ගස්ගොඩ ප්‍රදේශයේ නිවෙසක් පරීක්ෂා කිරීමේදී T 56 වර්ගයේ ගිනි අවියක් සමඟ සැකකරුවෙකු අත්අඩංගුවට ගෙන තිබෙනවා
ඒ අපරාධ පරීක්ෂණ දෙපාර්තමේන්තුවේ මනුෂ්‍ය ඝාතන හා සංවිධානාත්මක අපරාධ විමර්ශන අංශයේ නිලධාරින්ට ලද තොරතුරක් මත ඊයේ (01) දිනයේ සිදු කළ පරීක්ෂා කිරීමේදීයි
එම අවිය සැකකරුගේ කාර් රථයේ පසුපස අසනේ සූක්ෂම ලෙස සඟවා තිබියදී සොයා ගෙන ඇති අතර, ඒ සමඟ මැගසින් එකක් සහ එම අවියට යොදනු ලබන ජීව පතොරම් 30 ක් ද සොයා ගෙන තිබෙනවා
තවදුරටත් විමර්ශන කටයුතු සිදුකිරීමේදී සැකකරුගේ බැංකු ගිණුම මඟින් රුපියල් ලක්ෂ 40කට ආසන්න මුදල් ප්‍රමාණයක් සංසරණය වී ඇති බවටද අනාවරණය කරගෙන ඇති බව සඳහන්