ජීවිත බිලිගනිමින් දකුණු කොරියාවේ පැතිර යන ලැව්ගින්න

දකුණු කොරියාවේ ගිනිකොන දෙසින් පැතිර යන ලැව්ගිනි හේතුවෙන් පුද්ගලයින් 18 දෙනෙකු මිය ගොස් 19 දෙනෙකු තුවාල ලබා ඇති බව එරට අභ්‍යන්තර කටයුතු හා ආරක්ෂක අමාත්‍යාංශය වාර්තා කර තිබෙනවා.

එරට ඉතිහාසයේ දරුණුතම ලැව්ගිනි තත්ත්වය මෙය බව සඳහන්.

විදෙස් වාර්තා සඳහන් කළේ, වසර 1,300ක් පැරණි විහාරස්ථානයක් ද ගින්නෙන් විනාශ වී ඇති බවයි.

ලැව්ගිනි තත්ත්වය හේතුවෙන් 23,000 කට අධික පිරිසක් ඉවත් කර ඇති බවද සඳහන්.

එමෙන්ම වසර 1,300 ක් පැරණි බෞද්ධ විහාරස්ථානයක් විනාශ වීම ඇතුළු සංස්කෘතික ස්ථාන කිහිපයකට ලැව්ගිනි තත්ත්වය හේතුවෙන් බලපෑම් එල්ලවී තිබෙනවා.

දකුණු කොරියාවේ ගිනිකොනදිග කලාප හයක ඇති වූ ලැව්ගිනි හේතුවෙන් අක්කර 43,330ක් ගිනිගෙන ඇති අතර පුද්ගලයින් 19 දෙනෙකු තුවාල ලබා ඇති බව සඳහන්

විදෙස් වාර්තා සඳහන් කළේ ලැව්ගිනි තත්ත්වය පාලනය කිරීම සඳහා ගිනිනිවන භටයින් 9,000කට ආසන්න සංඛ්‍යාවක් සහ හෙලිකොප්ටර් 130කට වැඩි ප්‍රමාණයක් යොදා ගෙන ඇති බවයි.