ජේ ෂා ICC නව සභාපතිවරයා ලෙස වැඩ අරඹයි
ජාත්‍යන්තර ක්‍රිකට් කවුන්සිලයේ නව සභාපතිවරයා ලෙස තේරී පත්වූ ජේ ෂාඅද (01) සිය ධුරය වැඩ ආරම්භ කර තිබෙනවා
මෙම තනතුර සඳහා ඔහු නිතරගයෙන් පත්වීමත් විශේෂත්වයක්.
එමෙන්ම ජාත්‍යන්තර ක්‍රිකට් කවුන්සිලයේ සභාපති ධුරයට පත් ලාබාලතම පුද්ගලයා ලෙසටයි ජේ ෂා සැලකෙන්නේ
2009 වසරේදී ගුජරාට් ක්‍රිකට් සංගමය සමඟින් ඔහු සිය වෘත්තීය ගමන ආරම්භ කළ බව සඳහන්.
ලොව විශාලතම ක්‍රිකට් ක්‍රීඩාංගණය වූ අහමදාබාද් පිටියේ සංවර්ධන කටයුතු ඔහුගේ අධීක්ෂණය යටත් සිදුවීම විශේෂත්වයක් වන අතර මෙම වැඩ භාරගැනීමත් සමඟ 2025 වසරේ ශූරයින් තරගාවලිය සම්බන්ධයෙන් ඔහු ගනු ලබන තීරණය වඩාත් සුවිශේෂි වනු ඇති.