දකුණු කොරියාවේ ලැව්ගිනි නිසා සිව් දෙනෙකු මරුට -1500 දෙනෙකු අවතැන්
දකුණු කොරියාවේ ගිනිකොනදිග කලාපය හරහා පැතිර යන ලැව්ගිනි හේතුවෙන් පුද්ගලයින් සිව් දෙනෙකු මියගොස් තවත් 6 දෙනෙකු තුවාල ලබා තිබෙනවා.
ලැව්ගිනි හේතුවෙන් පදිංචිකරුවන් 1500 දෙනෙකු පමණ ආරක්‍ෂිතව ඉවත් ඉරීමා එරට බලධාරීන් පියවර ගෙන ඇති බවයි විදෙස් මාධ්‍ය වාර්තා කළේ.
සීඝ්‍රයෙන් ලැව්ගිනි ව්‍යාප්ත වෙමින් පවතින අතර ගින්න පාලනය කිරීම ගිනි නිවන භටයින්ද දැඩි අර්බුදකාරී තත්ත්වයක් නිර්මාණය කර ඇති බව සඳහන්.
ගින්න නිවීම සඳහා හෙලිකොප්ටර් 30කට අධික සංඛ්‍යාවක් යොදවා ඇති බවයි වාර්තා වන්නේ.
මේ වන විට ලැව්ගිනි හේතුවෙන් හෙක්ටයාර් 3,286 ක් පමණ විනාශයට පත්ව ඇති අතර දකුණු කොරියානු රජය ලැව්ගිනි හේතුවෙන් ජාතික ආපදා තත්ත්වයක්ද ප්‍රකාශයට පත් කර තිබෙනවා.