දඹාන ආදිවාසී ජනතාව වෙත ස්වර්ණවාහිනියෙන් සමාජ සත්කාරයක් (වීඩියෝ)
මහියංගණය දඹාන ආදිවාසී ගම්මානයේ ආදිවාසී ජනතාවට සහ ඒ ආශ්‍රිත පවුල් රැසකට වියළි ආහාර ලබාදීමේ වැඩසටහනක් ස්වර්ණවාහිනිය, යුනිලිවර් ශ්‍රී ලංකා සමාගමේ Viva සන්නාමය සමඟින් එක්ව ක්‍රියාත්මක කරනු ලැබුවා.
පවතින ආර්ථික තත්ත්වය හේතුවෙන් දැඩි ආර්ථික අපහසුතාවලට මුහුණ දී සිටින එම ජනතාවට දිරියක් වීම මෙහි ප්‍රධාන අරමුණයි.
ජන දුක හඳුනන ස්වර්ණවාහිනිය Viva සමඟින් දියත් කළ මෙම සමාජ සත්කාරයේ අවස්ථාවට බදුල්ල ශ්‍රී ඥාණදීප පිරිවනේ කෘත්‍යධිකාරී පූජ්‍ය ගල්පොරුයාය ප්‍රදීපවංශ හිමියන්, ඌරුවරිගයේ වන්නිලඇත්තෝ, ස්වර්ණවාහිනී නාලිකා ප්‍රධානී රංගන ද සිල්වා මහතා, යුනිලිවර් ශ්‍රී ලංකා සමාගමේ කාණ්ඩ කළමනාකරු මිලින්ද විරසිංහ මහතා, ජනප්‍රිය නළු නිළියන් වන රොෂාන් රණවන සහ මහේෂි මධුසංකා, මහියංගනය පොලිස් ස්ථානයේ ප්‍රධාන පොලිස් පරීක්ෂක රොහාන් විජේරත්න මහතාත් එක්ව සිටියා.