දිල්ලි බෝම්බ පිපිරුමෙන් 9 ක් මියගොස් 20 කට තුවාල – පිපිරීම සුදුකරපටි ත්‍රස්ත ප්‍රහාරයක් බවට මතයක්
ඊයේ (10) සවස දිල්ලියේ, රතු කොටුව අසල පුපුරා ගිය සුදු හුන්ඩායි i20 මෝටර් රථයේ CCTV වීඩියෝ සහ ඡායාරූප මේ වනවිට මාධ්‍ය ඔස්සේ එළිදක්වා තිබෙනවා.
ඉන්දීය මාධ්‍ය අද (11) පැවසුවේ ඉන් පුද්ගලයින් නව දෙනෙකු මිය ගොස් තවත් 20 දෙනෙකු තුවාල ලබා ඇති බවයි.
ආරංචි මාර්ගවලට අනුව, HR 26CE7674 අංක තහඩුව සහිත වාහනය පැය තුනකට වැඩි කාලයක් රතු කොටුව අසල වාහන නැවැත්වීමේ ස්ථානයේ නවතා තිබී ඇති අතර, පස්වරු 3:19 ට ඇතුළු වී සවස 6:30 ට පමණ පිටත් වී තිබෙනවා.
මිනිත්තුවක පමණ වීඩියෝ දර්ශනවල මෝටර් රථය බඩාර්පූර් දේශසීමාවට ඇතුළු වන ආකාරය දැක්වෙන අතර, ඒ වනවිටත් පොලිසිය මාර්ග සෝදිසි කිරීම් සිදුකරමින් පැවති බව ආරංචි මාර්ග පවසයි.
මරාගෙන මැරෙන බෝම්බකරු යැයි සැක කරන පුද්ගලයාගේ අත ජනේලය මත තබාගෙන මෝටර් රථය වාහන නැවැත්වීමේ ස්ථානයට ඇතුළු වන ආකාරය පින්තූරයක දැක් වෙනවා.
ආරංචි මාර්ග සඳහන් කළේ, සැකකාර මරාගෙන මැරෙන බෝම්බකරු යමෙකු එනතුරු බලා සිටිමින් හෝ වාහන නැවැත්වීමේ ස්ථානයේ උපදෙස් බලාපොරොත්තුවෙන් සිටි බවට ඇඟවෙන ආකාරයක් පළ වූ බවයි.
රතු කොටුව මෙට්‍රෝ දුම්රිය ස්ථානය අසල උදෑසන 6.52 ට පිපිරීම සිදු වූ අතර, කැබලි වූ සිරුරු සහ සුන්බුන් වූ මෝටර් රථ කාර්යබහුල ප්‍රදේශය පුරා විසිරී තිබූ බව මාධ්‍ය වාර්තා කර තිබුණා.
පිපිරීමෙන් සුළු වේලාවකට පසු, ආරක්ෂක නිලධාරීන් විශාල පිරිසක් ප්‍රදේශය වසාගත් අතර, තුවාල ලැබූවන් කිහිප දෙනෙකු රැගත් ගිලන් රථ අසල පිහිටි ලොක් නායක් රෝහලට (LNJP) ගමන් කර තිබුණා.
මෙම පිපිරීම ත්‍රස්ත ප්‍රහාරයක් ලෙස විමර්ශනය කෙරෙන අතර, අධිකරණ වෛද්‍ය සාක්ෂි සහ බුද්ධි අංශ මඟින් ත්‍රස්ත සම්බන්ධතා ඇති බවට පෙන්වා දීමෙන් පසු දිල්ලි පොලිසිය නීති විරෝධී ක්‍රියාකාරකම් වැළැක්වීමේ පනත යටතේ නඩු පැවරීමට පියවර ගනිමින් සිටිනවා.
දිල්ලි සහ ඒ අවට ප්‍රාන්ත වන මුම්බායි, කොල්කටා, බැංගලෝර්, ජායිපූර්, හර්යානා, පන්ජාබ්, හයිද්‍රාබාද්, උත්තර් ප්‍රදේශ් සහ උත්තරාකන්ඩ් යන ප්‍රාන්තවලට ද දැඩි අනතුරු ඇඟවීමක් නිකුත් කර තිබෙනවා.
ඉන්දීය මාධ්‍ය වාර්තා කළේ අද දෙවන සහ අවසාන වටයේ ඡන්ද විමසීමට නියමිත බිහාර් ප්‍රාන්තයට ද දැඩි අනතුරු ඇඟවීම් නිකුත් කර ඇති බවයි.
මෙම පිපිරීම සිදු වූයේ අගනුවර සිට කිලෝමීටර 50 ක් දුරින්, අසල්වැසි හර්යානා හි ෆරීදාබාද් හි පුපුරණ ද්‍රව්‍ය කිලෝ ග්‍රෑම් 2,900 ක දැවැන්ත තොගයක් සොයාගත් දිනයේදීම වීම කැපී පෙනෙනවා.
පිපිරීම සහ “සුදු කරපටි” ත්‍රස්ත මොඩියුලය අතර සම්බන්ධයක් මතු වී ඇති බව ආරංචි මාර්ග සඳහන් කළා.
දකුණු කාශ්මීරයේ පුල්වාමා හි වෛද්‍යවරයෙකුට අයත් මොඩියුලයේ කොටසක් වූ i20 මෝටර් රථය සොයා ගැනීම සැලකෙන්නේ මෙම ප්‍රහාරයේ කොටසක් ලෙසයි.
විමර්ශන නිලධාරීන් මොඩියුලයේ ප්‍රධාන සාමාජිකයින් දෙදෙනෙකු වන ආචාර්ය මුජම්මිල් ෂකීල් සහ ආචාර්ය ආදිල් රාදර් සහ පුපුරණ ද්‍රව්‍ය අත්අඩංගුවට ගැනීමෙන් පසු, මෝටර් රථයේ හිමිකරු වූ වෛද්‍ය උමාර් මොහොමඩ් භීතියට පත් වී රතු කොටුව අසල පිපිරීම සිදු කළ බවට වාර්තා ද මේ වන විට පළවනවා.
කාර්යබහුල වෙළඳ මධ්‍යස්ථානයක සිට මීටර් කිහිපයක් දුරින් පිහිටි 17 වන සියවසේ රතු කොටුවට දිනපතා සංචාරකයින් දහස් ගණනක් පැමිණෙන ස්ථානයක්.
