දුම්රිය රියදුරන් වර්ජනයක් අරඹයි – දුම්රිය 08ක් නවතියි (VIDEO)

ඉල්ලීම් කිහිපයක් මුල් කරගනිමින් දුම්රිය එන්ජින් රියදුරන් ඊයේ (06) මධ්‍යම රාත්‍රියේ සිට වැඩවර්ජනයක් ආරම්භ කර තිබෙනවා.

ඒ හේතුවෙන් අද (07) දිනයේදී දුම්රිය 08ක් අවලංගු කර ඇති බවයි දුම්රිය දෙපාර්තමේන්තුව සඳහන් කරන්නේ.

ඒ අනුව අද උදෑසන කොළඹ කොටුව දුම්රිය ස්ථානයේ සිට ධාවනය වන (පවර්සෙට්) දුම්රිය කිහිපයක් ධාවනය නොවන බව දුම්රිය දෙපාර්තමේන්තුව පවසනවා.

දුම්රිය රියදුරු සංගමයේ 2015 හා 2017 වර්ෂවල දී සේවයට බැඳුණු දුම්රිය රියදුරන් 84 දෙනෙකුගේ උසස්වීම් ගැටලුවක් මුල් කරගනිමින් රියදුරුන්ගෙන් කොටසක් මේ වර්ජනය ක්‍රියාත්මක කරන බවයි වැඩිදුරටත් වාර්තා වන්නේ.