පන්සියයක් මහා සඟරුවන මහනුවර දී පිණ්ඩපාත චාරිකාවේ (VIDEO)
පන්සියයක් මහා සඟරුවන අද (21) මහනුවරදී පිණ්ඩපාත චාරිකාවක නිරත වී තිබෙනවා.
ශ්‍රී බුද්ධ වර්ෂ 2568 වෙනි ශ්‍රී වෛශාඛ්‍ය මංගල්‍යය සතියට සමගාමීවයි එම පිණ්ඩපාත චාරිකාව සිදු කෙරුණේ.
ඒ අනුව ශ්‍රී දළදා මාලිගාව අභියසින් ආරම්භ කර, මහනුවර නගරය පුරා පන්සියයක් මහා සඟරුවන පිණ්ඩපාත චාරිකාවේ නිරත වුණා.
මෙම අවස්ථාවට ශ්‍රී දළදා මාලිගාවේ ගරු දියවඩන නිලමේ ප්‍රදීප් නිලංග දෑල, මධ්‍යම පළාත් ගරු ආණ්ඩුකාරවර නීතිඥ ලලිත් යු ගමගේ, මධ්‍යම පළාත් ප්‍රධාන ලේකම් අජිත් ප්‍රේමසිංහ, මහනුවර දිස්ත්‍රික් ලේකම් චන්දන තෙන්නකෝන් සහ අණ්ඩුකාර ලේකම් මංජුලා මඩහපොල යන මහත්ම මහත්මීන් ඇතුළු නිලධාරීන් රැසක් එක්ව සිටියා.