බස් වර්ජනය නවතී

අද (08) මධ්‍යම රාත්‍රියේ සිට ක්‍රියාත්මක කිරීමට නියමිතව තිබූ බස් වර්ජනය සිදු නොකිරීමට බස් සංගම් තීරණය කර තිබෙනවා.

Clean Sri Lanka වැඩසටහනට සමගාමීව සිදුකරන රථවාහන මෙහෙයුම් සම්බන්ධයෙන් පෞද්ගලික බස් රථ සංගම් සහ වැඩබලන පොලිස්පතිවරයා අතර අද (08) පැවැති සාකච්ඡාවකට එක්වීමෙන් අනතුරුව බස් සංගම් මේ බව සඳහන් කළා.

අදාළ සාකච්ඡාව සාර්ථක වූ බවයි ලංකා පෞද්ගලික බස් හිමියන්ගේ සංගමයේ සභාපති ගැමුණු විජේරත්න මහතා ප්‍රකාශ කළේ.