බ්‍රසීලයේ විලක බෝට්ටු මතට කඳු බෑවුමක කොටසක් කඩා වැටීමෙන් 10ක් ජීවිතක්ෂයට (VIDEO)
බ්‍රසීලයේ විලක යාත්‍රා කරමින් තිබු බෝට්ටු මතට කඳු බෑවුමක කොටසක් කඩා වැටීමෙන් පුද්ගලයන් 10 දෙනෙකු ජීවිතක්ෂයට පත්ව තිබෙනවා.
දිවයිනේ ගිනිකොන දෙසින් සිදුවූ මෙම අනතුරින් තවත් 32 දෙනෙකු තුවාල ලබා තිබෙන බවයි විදෙස් මාධ්‍ය පවසන්නේ.
අවම වශයෙන් එක් බෝට්ටුවක් ගිලී ඇති බවද සඳහන්.
තුවාල ලැබූ 32 දෙනාගෙන් 9 දෙනෙක් රෝහල්ගතව සිටින බවයි පැවසෙන්නේ.
මියගිය අය හඳුනා ගැනීමට බලධාරීන් උත්සාහ කරමින් සිටින බවද විදෙස් මාධ්‍ය වාර්තා කරනවා
නරඹන්නන් යටින් ඇති බෝට්ටුවලට අනතුරු ඇඟවීමට කෑගැසීමට උත්සාහ කරන විටත් පර්වතයේ කොටසක් කඩා වැටෙන මොහොත අන්තර්ජාලය හරහා සංසරණය වන වීඩියෝ මගින් දැකගත හැකියි.