මාලඹේ,කොස්වත්ත,හංවැල්ල,මුල්ලේරියාව, අවට ජනතාවට වහා ඉවත් වන ලෙස පොලීසිය දන්වයි
අඹතලේ වේල්ල අවදානම් මට්ටමට පැමිණඇති බැවින් මාලඹේ,කොස්වත්ත,හංවැල්ල,මුල්ලේරියාව, අවට ජනතාවට වහා ඉවත් වන ලෙස පොලිස් මාධ්‍ය ප්‍රකාශක එෆ්.යූ.වුට්ලර් මහතා අවධාරණය කරනවා.
අප මාණ්ඩලික වාර්තාකරු පවසන්නේ මේ වනවිට මාලඹේ චන්ද්‍රිකා මාවතේ ඇල මාර්ගය ජලයෙන් යටවී ඇති බවයි.
ගංවතුර පාලනය සඳහා අඹතේ වේල්ලෙන් නැවත ජලය කැලණි ගඟට පොම්ප කිරීම සිදුකරමින් පැවතියත් මේ වන විට එම තත්ත්වය පාලනයෙන් ගිලිහී ඇතැයි වාර්තා වුණා.
පොලිස් මාධ්‍ය ප්‍රකාශකවරයා මෙන්ම කොළඹ දිස්ත්‍රි ලේකම් වරයා ද අද පෙරවරුවේ දැනුම් දුන්නේ වහාම මෙම ප්‍රදේශවල පහත් බිම්වල සිටින ජනතාවට ආරක්ෂිත ප්‍රදේශ වෙත යන ලෙසයි.
ඔවුන්ට සහාය වීම සඳහා පොලීසිය,ත්‍රිවිධ හමුදාව සහ ආපදා කළමනාකරණ නිලධාරීන් සිතින බවත් පොලිස් මාධ්‍ය ප්‍රකාශකවරයා පැවසුවා.