මාවිල් ආරු බැම්ම බිඳී ගොස් අවදානම් තත්ත්වයක් – ජනතාව ඉවත් කරයි
මාවිල් ආරු සොරොව්ව අද (30) කොටසක් බිඳී යාමත් සමග ඒ අවට පදිංචි ජනතාව ඉවත් කිරීමේ කටයුතු කඩිනම් කළ බව ත්‍රීකුණාමලය දිස්ත්‍රීක් පාර්ලිමේන්තු මන්ත්‍රී රොෂාන් අක්මීමන මහතා පවසනවා.
ඔහු පැවසුවේ මේ තත්ත්වය වර්ධනය විය හැකි බවත් , එය පසුගිය දින කිහිපයේ නිරීක්ෂණය කර තිබීම නිසා බොහෝ පිරිසක් ඉවත් කර ගැනීමට කටයුතු කරමින් සිටි බවයි.
තවදුරටත් රැඳී සිටින පිරිස් ඉවත් කිරීම මේ වන් විට ආරම්භ කරඇති බවත් , ඊට සහය දැක්වීම සඳහා හෙලිකොප්ට යානා 3 ක් යොදවාඇති බවත් මන්ත්‍රී වරයා පැවසුවා.
ගුවන් හමුදාව පැවසුවේ අද උදැසන (30) ගුවන් හමුදාවට අයත් Bell–412 හෙලිකොප්ටර් යානයක්, Jet Ranger (206) හෙලිකොප්ටර් යානයක් සහ KA 360ER ආවේක්ෂණ ගුවන් යානයක් සහ MI-17 හෙලිකොප්ටර් යානයක් මාවිල්ආරු ප්‍රදේශයේ මුදා ගැනීම් සහ නිරීක්ෂණ මෙහෙයුම් සඳහා යොදවා ඇති බවයි.
මෙම ක්‍රියාවලිය ජනාධිපතිවරයා සහ ආරක්ෂක නියෝජ්‍ය අමාත්‍යවරයා ගේ අධික්ෂණය යටතේ සිදුකරන බවත් ත්‍රීකුණාමලය දිස්ත්‍රීක් පාර්ලිමේන්තු මන්ත්‍රී රොෂාන් අක්මීමන මහතා සඳහන් කළා.
