මාස්ටර් ලීග් ක්‍රිකට් තරගාවලිය අද ඇරඹේ- නිල විකාශන අයිතිය මොනරා TV
ලොව පුරා සිටින හිටපු ප්‍රවීන ක්‍රිකට් ක්‍රීඩකයින්ගේ සහභාගීත්වයෙන් පැවැත්වෙන ජාත්‍යන්තර මාස්ටර් ලීග් ක්‍රිකට් තරගාවලිය (International Masters League 2025) අද (22) ඉන්දියාවේදී ආරම්භ වනවා
ඒ අනුව තරගාවලියේ සමාරම්භක තරගය ලෙසින් කුමාර් සංගක්කාරගේ නායකත්වයේ ශ්‍රී ලංකා මාස්ටර් කණ්ඩායම සහ සචින් තෙන්ඩුල්කාර්ගේ නායකත්වයෙන් ඉන්දීය මාස්ටර් කණ්ඩායම අතර තරගය මුම්බායි හි DY Patil Sports Academy ක්‍රීඩාංගනයේදී අද රාත්‍රි 7.30ට ආරම්භ කිරීමටයි සැලසුම් කර ඇත්තේ
මෙම තරගාවලිය නියෝජනය කරමින් ශ්‍රී ලංකාව, ඉන්දියාව, එංගලන්තය, ඕස්ටේ්‍රලියාව, බටහිර ඉන්දීය කොදෙව් සහ දක-ුණු අප්‍රිකාව යන කණ්ඩායම් මෙහිදී තරග වැදීමට නියමිතයි
තරග 18කින් සමන්විත මෙම තරගාවලියේ තරග ඉන්දියාවේ මුම්බායි, ලක්නව් සහ රායිපූර්හිදී පැවැත්වීමටයි සැලසුම් කර ඇත්තේ
ඒ අනුව මෙම තරගාවලියේ නිල විකාශන අයිතිය ස්වර්ණවාහිනී මාධ්‍ය ජාලයේ සහෝදර නාලිකාවක් වන මොනරා TV තුළින් සජීවිව නැරඹීමේ අවස්ථාව ක්‍රීඩාලෝලීන්ට හිමිවනවා