මැතිවරණය සඳහා ගම්බිම් බලා යන ජනතාවගේ ප්‍රවාහන පහසුකම් අවම මට්ටමක
නිදි පරිදි බස්රථ ධාවනය නොවීම හේතුවෙන් තමන් දැඩි අපහසුතාවයට පත්වූ බව මහ මැතිවරණය සඳහා ඡන්ද භාවිතා කිරීමට ගම්බිම් බලායන ජනතාව චෝදනා කරනවා.
කෙසේ වෙතත් ප්‍රවාහන බලධාරීන් පවසන්නේ අවශ්‍යතාවය අනුව ප්‍රවාහන සේවා ක්‍රියාත්මක කිරීමට අවශ්‍ය කටයුතු යොදා ඇති බවයි.
හෙට පැවැත්වීමට නියමිත 2024 මහ මැතිවරණය සඳහා, ඊයේ වන විටම පිට පළාත් ජනතාව සිය ගම්බිම් බලා පිටත්ව යනු දක්නට ලැබී තිබුණා.
බොහෝ ජනතාව චෝදනා කළේ නිසි පරිදි ප්‍රවාහන සේවා නොමැතිකමින් තමන් දැඩි අපහසුතාවයකට පත්වූ බවයි.
මෙහිදී අද (13) උදෑසන වන විටත් මාකුඹුර බහුවිධ ප්‍රවාහන මධ්‍යස්ථානයේ ගම්බිම් බලා යන ජනතාවගේ දිගු පෝලිම් දක්නට ලැබුණු බව සඳහන්.
මේ අතර කොළඹ පිටකොටුව මධ්‍යම බස් නැවතුම්පොළේ මෙන්ම පෞද්ගලික බස් නැවතුම්පොළේ ද අද (13) උදෑසන දැඩි තදබදයක් පැවතුණු බවයි වාර්තා වන්නේ.
ඒ මහා මැතිවරණයේ ඡන්ද භාවිතා කිරීම සඳහා විශාල ජනතාවක් ගම්බිම් බලා යාමට පැමිණීම හේතුවෙන්.
කෙසේවෙතත් ජනතාව චෝදනා කළේ ප්‍රමාණවත් පරිදි බස්රථ ධාවනය නොවන බවටයි.