යේමනයේ හවුති කණ්ඩායමේ රජයේ අගමැති ඊශ්‍රායල් ප්‍රහාරවලින් මරුට
ඊශ්‍රායල ගුවන් ප්‍රහාරයකින් සානා අගනුවරදී හවුති කණ්ඩායමේ රජයේ අගමැති මිය ගිය බව යේමනයේ හවුති කැරලිකරුවන් තහවුරු කර තිබෙනවා.
පසුගිය බ්‍රහස්පතින්දා සානාහි එල්ල වූ ප්‍රහාරයකින් අහමඩ් අල්-රහාවි සහ අමාත්‍යවරුන් ගණනාවක් මිය ගිය බව හවුති කැරලිකරුවන් අද නිවේදනයක් නිකුත් කරමින් කියා සිටියා.
හවුති පාලනය කරන බෙදී ගිය රටේ ප්‍රදේශවල අගමැති ලෙස කටයුතු කළ අල්-රහාවි, හවුති ප්‍රමුඛ රජයේ අනෙකුත් සාමාජිකයින් සමඟ වැඩමුළුවකදී ඉලක්ක කර ගත් බව එම ප්‍රකාශයේ සඳහන් වුණා.
ඊශ්‍රායල ප්‍රහාරයෙන් තවත් අමාත්‍යවරුන් කිහිප දෙනෙකු ද මිය ගිය බව හවුතිවරුන් වැඩි විස්තර ඉදිරිපත් නොකර පැවසූ බව වාර්තා වුණා.
ඊශ්‍රායලය ගාසා තීරයට එරෙහිව කරන යුද්ධය මධ්‍යයේ කලාපයේ ආතතීන් උත්සන්න වෙමින් පවතින අතරතුර සානා වෙත ඊශ්‍රායල ප්‍රහාරය එල්ල වුණ.
ඊශ්‍රායල හමුදාව නිවේදනයක් නිකුත් කරමින් කියා සිටියේ බ්‍රහස්පතින්දා තම හමුදා “සානා ප්‍රදේශයේ හවුති ත්‍රස්තවාදී රජයේ හමුදා ඉලක්කයකට” පහර දුන් බවයි.