රක්ෂිත එළි කරමින් සිටි 5 කට වුණු දේ
පොලිස් විශේෂ කාර්ය බලකාය ඕමන්ත ,නාම්බම්කුලම් සහ කතරගම කදසුරිදුගම ප්‍රදේශයේ කළ වැටලීම්වලදී රක්ෂිත එළි කරමින් සිටි සැකකරුවන් 5 දෙනෙකු අත්අඩංගුවට ගෙන තිබෙනවා.
පොලීසිය පැවසුවේ, ඉන් තිදෙනෙකු නාම්බම්කුලම් ප්‍රදේශයේ අනවසරයෙන් රක්ෂිතයක බැකෝ යන්ත්‍රයක් උපයෝගී කරගනිමින්, එළි කරමින් සිටියදි අත්අඩංගුවට ගත් බවයි.
මේ අතර, අනවසරයෙන් රජයේ ඉඩමක් එළි කරමින් සිටි සැකකරුවන් දෙදෙනෙකු නාම්බම්කුලම් ප්‍රදේශයේ අත්අඩංගුවට ගෙන ඇති අතර ඔවුන් 31 සහ 43 යන වයස්වල පසුවන්නන්.