රන් භාණ්ඩ සමග ගුවන්තොටේදී අත්අඩංගුවට ගත් සැකකරු

නීතිවිරෝධී ලෙස මෙරටට රැගෙන ලද රන් භාණ්ඩ සමග සැකකරුවෙකු කටුනායක ගුවන්තොටුපොළේදී අත්අඩංගුවට ගෙන තිබෙනවා.

අබුඩාබි හි සිට මෙරටට පැමිණි ගුවන් මගියෙකු පිළිබඳ බුද්ධි අංශ නිලධාරීන්ගෙන් ලද තොරතුරක් මත ගුවන්තොටුපොළ පොලීසිය විසින් ඊයේ (04) රාත්‍රීයේ ඔහු අත්අඩංගුවට ගෙන ඇති බව සඳහන්.

සැකකරු අත්අඩංගුවට ගන්නා අවස්ථාවේදී ඔහු සන්තකයේ තිබී රන් මාල 04ක්, පෙන්ඩන්ට් 01ක්, අත් පලඳනා 02ක්, රන් වළලු 01ක් සහ රන් මුදුවක් පොලිස් භාරයට ගෙන තිබෙනවා.

සැකකරු වෙලම්බොඩ ප්‍රදේශයේ පදිංචි 25 හැවිරිදි පුද්ගලයෙක් බව සඳහන්.

සිද්ධිය සම්බන්ධයෙන් ගුවන්තොටුපොළ පොලීසිය වැඩිදුර විමර්ශන සිදු කරනවා.