රනිල් පරාජය කිරීම ජාතියේ අවාසනාවයි -වජිර අබේවර්ධන-
වැටුණු රට ගොඩගත් ජනාධිපති රනිල් වික්‍රමසිංහ මහතාගේ වැඩපිළිවෙළ වෙනස් කළහොත් සමස්ත රට නැවත වරක් කඩා වැටෙන බව එක්සත් ජාතික පක්ෂයේ සභාපති, පාර්ලිමේන්තු මන්ත්‍රී වජිර අබේවර්ධන මහතා අවධාරණය කර තිබෙනවා.
එබැවින්, ඉදිරි ජනාධිපතිවරණයට අදාළ තැපැල් ඡන්දය භාවිතා කිරීමේදී නිවැරදි තීන්දුව ගැනීමට ලක්ෂ 15 කට අධික රාජ්‍ය සේවක ප්‍රජාව කටයුතු කළ යුතු බවද ඒ මහතා පවසා ඇති බව සඳහන්.
ජනාධිපති රනිල් වික්‍රමසිංහ මහතාගේ දේශපාලන කාර්යාලයේදී පැවති මාධ්‍ය හමුවකට එක්වෙමින් පාර්ලිමේන්තු මන්ත්‍රී වජිර අබේවර්ධන මහතා මේ බව සඳහන් කර සිටියා.