රුසියානු ජනපති හමුදා අභ්‍යාස අධීක්ෂණයට
රුසියානු ජනාධිපති ව්ලැඩිමීර් පුටින් පෙබරවාරි 19 වන දින ප්‍රධාන හමුදා අභ්‍යාස අධීක්ෂණය කරනු ඇති බව විදෙස් මාධ්‍ය සඳහන් කරනවා
ඔවුන් බැලිස්ටික් සහ කෲස් මිසයිල දියත් කිරීම්වලට සම්බන්ධ වන අතර, එහි න්‍යෂ්ටික අවි කෙතරම් සුදානම් දැයි පරීක්ෂා කරනු ඇති බව රුසියාව පවසනවා
යුද අභ්‍යාස තරමක් සාමාන්‍ය වන අතර ඒවා යුක්‍රේනය සමඟ ඇති ගැටුම උත්සන්න කිරීමක් නොවන බවට ඔවුන් අවධාරනය කරනවා
මේ අතර රුසියානු හමුදා, ගුවන් භටයින් සහ නාවිකයන් 149,000ක් පමණ දැන් යුක්‍රේනය වටකර සිටින බව යුක්‍රේන ආරක්ෂක ඇමතිවරයා පවසනවා
වාර්ෂික ආරක්ෂක සමුළුවක් සඳහා ලෝක නායකයින් අද(18) මියුනිච්හිදී හමුවන නමුත් රුසියාව 1999 න් පසු පළමු වතාවට සහභාගී නොවන බවයි විදෙස් මාධ්‍ය පවසන්නේ
රුසියාව “යුරෝපීය සාම නියෝගයට අභියෝග කරමින්” සීතල යුද්ධ ඉල්ලීම් කරන බව ජර්මනියේ විදේශ ඇමති පවසනවා
රුසියානු හමුදා නොවැම්බර් මාසයේ සිට යුක්‍රේන දේශසීමාව අසලට රැස්වෙමින් සිටින අතර, ආක්‍රමණයක් පිලිබඳ භීතිය අවුළුවන බවයි පැවසෙන්නේ
කෙසේ වෙතත් යුක්‍රේනය ආක්‍රමණය කිරීමේ සැලසුමක් ඇති බව රුසියාව දිගින් දිගටම ප්‍රතික්ෂේප කරනවා