ලංකාවෙන් – ඉන්දියාවට පැන්න 03 ක් ඉන්දීය වෙරළාරක්ෂක අත්අඩංගුවට
නීතිවිරෝධී ලෙස බෝට්ටුවකින් ධනුෂ්කොඩි වෙත පැමිණි ශ්‍රී ලාංකිකයන් තිදෙනෙකු ඉන්දීය වෙරළාරක්ෂක බලකාය විසින් අත්අඩංගුවට ගෙන තිබෙනවා.
ඔවුන්ගෙන් එක් අයෙකුට ඔහුගේ ලංකාවේ මත්ද්‍රව්‍ය ළඟ තබා ගැනීමේ චෝදනාව එල්ල වී ඇති අයකු වන අතර, අනෙක් දෙදෙනා මූල්‍ය වංචා නඩුවක සැකකරුවන් බව ද හින්දු වෙබ් අඩවිය පවසනවා.
එම වෙබ අඩවිය පවසන්නේ අත් අඩංගුවේ සිටින තිදෙනා එරට පොලිසිය හඳුනාගෙන ඇත්තේ කොළඹ පදිංචි වී. ස්මිත් රෝලන් ප්‍රනාන්දු (43) සහ එම්. මතිවිලගු අසූත ගුණතීල (35) සහ මුලතිව් හි පදිංචි ශ්‍රී ලාංකික දෙමළ ජාතික එස්. කබිලන් (43) යන අය ලෙසයි.
කොඩිකාමම් පොලිස් ස්ථානයේ මත්ද්‍රව්‍ය ළඟ තබා ගැනීම සම්බන්ධයෙන් කබිලන්ට එරෙහිව චෝදනා ගොනු කර ඇති බවත්, අනෙක් දෙදෙනා මූල්‍ය වංචා නඩුවක සැකකරුවන් බවත් පොලිසිය වැඩිදුරටත් පවසා තිබෙනවා.
ඔවුන්ට එරෙහි චෝදනා තහවුරු වනු ඇතැයි නිලධාරීන් විශ්වාස කළ බැවින්, දඩුවම් වලට බියෙන් ඔවුන් තම රටින් පලා ගොස් ඇති බවට පොලීසිය විශ්වාසය පළ කරනවා.
මෙම තිදෙනා සම්බන්ධයෙන් විමර්ශනය සිදුවෙමින් පවතින අතර, ඔවුන් සිරගත කරන්නේද, නැතහොත් මෙරටට ආපසු එවන්නේද යන්න තවමත් තීරණය කර නොමැති බව ආරංචි මාර්ග සඳහන් කළා.