ලක්ෂයක අල්ලසක් ගත් ක්වාසි විනිසුරු සහ ලිපිකරු නීතියට කොටුවේ
රුපියල් ලක්ෂයක මුදලක් අල්ලස් ලෙස ඉල්ලා, ලබාගත් කදුරුවෙල ක්වාසි අධිකරණයේ ක්වාසි විනිසුරුවරයකු සහ ක්වාසි අධිකරණ ලිපිකරුවෙකු අල්ලස් චෝදනා මත
අල්ලස් හෝ දූෂණ විමර්ෂණ කොමිෂන් සභාවේ විමර්ශන නිලධාරීන් අත්අඩංගුවට ගෙන තිබෙනවා.
එම කොමිසම පැවසුවේ පොළොන්නරුව, කදුරුවෙල ප්‍රදේශයේ පදිංචිකාරියක සිදු කරන ලද පැමිණිල්ලකට අනුව මෙම අත් අඩංගුවට ගැනීම සිදුකළ බවයි.
පැමිණිලිකාරිය විසින්, ඇයගේ සැමියාගෙන් දික්කසාද වීමට ජූනි 18 වන දින කදුරුවවල ක්වාසි අධිකරණයේ පවරන ලද නඩුවකට අදාල තීන්දුව පැමිණිලිකාරියට වාසි සහගත වන ලෙස ලබාදීම සඳහා අල්ලස් වශයෙන් රුපියල් ලක්ෂයක මුදලක් ඉල්ලා තිබුණා.
ඊට ආධාර, අනුබල දීම යන චෝදනාවන් මත මෙම ක්වාසි අධිකරණ විනිසුරුවරයා සහ ක්වාසි අධිකරණ ලිපිකරු අත්අඩංගුවට ගෙන ඇත්තේ අද පෙරවරුවේ දීයි.
.