වෘත්තීමය වගකීම නිසි ලෙස ඉටු කරන රාජ්‍ය සේවයක් රටට අවශ්‍යයි ජනපති කියයි
සෑම වෘතියක් සඳහාම වෘතියමය භාවය,නිපුනතාව එම වෘත්තිය සමග බැඳුණු විනය සහ වගකීමක් සහිත රාජ්‍ය සේවයක් රටට අවශ්‍ය බව ජනාධිපති අනුර කුමාර දිසානායක මහතා පවසනවා.
අන්හිමානවත් ගෞරවනීය ඉතිහාසයකට හිමිකම් කියන ශ්‍රී ලංකා ගුවන් හමුදාව එම වෘත්තීයමය භාවය අඛණ්ඩව ආරක්ෂාකරගත් හමුදාවක් බවද ජනාධිපතිවරයා තවදුරටත් සඳහන් කළා.
ජනාධිපතිවරයා මේ අදහස් පළ කළේ ශ්‍රී ලංකා ගුවන් හමුදාව වෙත ජනාධිපති වර්ණ ප්‍රධානය සහ කෙඩෙට් නිලධාරීන් අධිකාරියට පත් කිරීම වෙනුවෙන් අද(18) ගුවන් හමුදා චීන වරාය විද්‍යා පීඨ කඳවුරේ දී අද පැවති උත්සවයට ප්‍රධාන ආරාධිතයා ලෙස සහභාගී වෙමින්.
මුහුදු මාර්ගයෙන් සිදුවන මත්ද්‍රව්‍ය ජාවාරම සහ නීති විරෝධී ක්‍රියාකාරකම් ආවේක්ෂණයේදී ගුවන් හමුදාව වෙත පැවරී ඇති කාර්යභාරය ද මෙහිදී සිහිපත් කළ ජනාධිපතිවරයා, ආපදා අවස්ථාවල දී ශ්‍රී ලංකා ගුවන් හමුදාව ලබා දෙන පුළුල් දායකත්වය ඇගයීමට ලක්කළා.
සුරකිමු ලකඹර තේමාව මුල්කර ගනිමින් ශ්‍රී ලාංකේය නිල් ගුවන සුරකින ශ්‍රී ලංකා ගුවන් හමුදාව අංක 03 සමුද්‍රීය බලඝනය මාතෘභූමියේ ආරක්ෂාව සහ උන්නතිය වෙනුවෙන් සිදුකරන ලද විශිෂ්ට සේවාව ,ක්‍රියාන්විත විශිෂ්ටත්වය අගය කරමින් ජනාධිපති වර්ණ ප්‍රධනය සිදු කෙරුණා.
