ශෂින්ද්‍ර ආයෙත් රිමාන්ඩ්
ශ්‍රී ලංකා මහවැලි අධිකාරියට අයත් සෙවනගල ප්‍රදේශයේ පිහිටි ඉඩමක අනවසරයෙන් ඉදිකර තිබූ ගොඩනැගිල්ලක් ඇතුළු දේපල ඉකුත් අරගල සමයේ විනාශයට පත් වීමෙන් අනතුරුව හානි පූර්ණ කාර්යාලය නිලධාරීන්ට බලපෑම් කර එම දේපළ වෙනුවෙන් රුපියල් 88,50,000 ක වන්දි මුදලක් ලබා ගත් බව කියන සිද්ධිය සම්බන්ධයෙන් අත්අඩංගුවට ගත් හිටපු රාජ්‍ය අමාත්‍ය ශෂින්ද්‍ර රාජපක්ෂ සැප්තැම්බර් 12 දක්වා තවදුරටත් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් අසංග එස්. බෝදරගම මහතා අද (29) නියෝග කළා.
බන්ධනාගාර නිලධාරීන් විසින් සැකකාර හිටපු රාජ්‍ය අමාත්‍යවරයා අද අධිකරණ ඉදිරිපත් කිරීමෙන් අනතුරුව එලෙස රක්ෂිත බන්ධනාගාරගත කෙරුණා.
සිද්ධියට අදාළ සියලුම සාක්ෂිකරුවන්ගේ සාක්ෂි සටහන් කර සාක්ෂි සම්පිණ්ඩන වාර්තාවක් මීලඟ නඩු දිනයේදී ඉදිරිපත් කරන ලෙසද මහේස්ත්‍රාත්වරයා අල්ලස් හෝ දූෂණ චෝදනා විමර්ශන කොමිසමට නියෝග කළා.