ශ්‍රී ලාංකිකයින්ට රැකියා අවස්ථා ලැබෙන කොරියානු නියමු ව්‍යාපෘතියකට කැබිනට් අනුමැතිය
නියමු ව්‍යාපෘතියක් ලෙස කොරියානු ජනරජයේ ඍතුමය සේවක වැඩසටහනට ක්‍රියාත්මක කිරීමට කැබිනට් අනුමැතිය හිමිව තිබෙනවා
ඒ අනුව කොරියානු රජය තම කෘෂිකර්මාන්ත සහ ධීවර ක්ෂේත්‍රවල ඍතුමය ශ්‍රම හිඟය පියවා ගැනීම සඳහා E 8 වීසා කාණ්ඩය යටතේ මෙම සේවක වැඩසටහන හඳුන්වා දී ඇති බව සඳහන්
එමඟින් එරට පළාත් පාලන ආයතනවලට කෙටි කාලයක් සඳහා විදේශීය සේවකයින් නීත්‍යානුකූලව බඳවා ගැනීමට ඉඩ සලසා දී තිබෙනවා
එම වැඩසටහන යටතේ ශ්‍රී ලාංකික ශ්‍රමිකයින් සඳහා අවස්ථාව සලසා දීමට හැකි පරිදි දෙපාර්ශ්වය අතර සහයෝගිතාව ඇති කර ගැනීම සඳහා කොරියානු රජයේ පළාත් සභා නගර සඵා විසින් කැමැත්ත පළ කර ඇති බව සඳහන්
මේ අනුව සුදුසුකම් ලබන ශ්‍රී ලාංකික ශ්‍රමිකයින්ට එකී වැඩසටහන යටතේ උපරිම වශයෙන් වසර තුනක කාලසීමාවක් තුළ වාර තුනක් දක්වා සේවා කිරීමට හැකිවන පරිදි නියමු ව්‍යාපෘතියක් ඒකාබද්ධව ඒකාබද්ධව ක්‍රියාත්මක කිරීම සඳහා කොරියානු ජන රජයේ අදාළ පළාත් මභා නගර සභා සමඟ අවබෝධතා ගිවිසුම්වලට අත්සන් තැබීමට නියමිතයි.
එමෙන්ම, නියමු ව්‍යාපෘතියන්හි සාර්ථකත්වය මත පදනම්ව එම වැඩසටහන ඉදිරියට පවත්වාගෙන යාමටත් විදේශ කටයුතු, විදේශ රැකියා සහ සංචාරක අමාත්‍යවරයා විසින් ඉදිරිපත් කළ අමාත්‍ය මණ්ඩල යෝජනාව අනුමැතිය ලැබී තිබෙනවා