ශ්‍රී ලාංකිකයින් සිව් දෙනෙකුට එක්සත් රාජධානිය පැනවූ තහනම ගැන අධ්‍යයනයට ත්‍රිපුද්ගල අමාත්‍ය කමිටුවක් (VIDEO)
එක්සත් රාජධානිය විසින් ශ්‍රී ලාංකිකයින් සිව් දෙනෙකු වෙත සම්බාධක පැනවීම සම්බන්ධයෙන් අධ්‍යයනය කර නිර්දේශ ඉදිරිපත් කිරීමට විදේශ අමාත්‍ය විජිත හේරත් මහතා ඇතුළු ත්‍රිපුද්ගල අමාත්‍ය කමිටුවක් පත් කර තිබෙනවා.
මෑතකදී ශ්‍රී ලාංකිකයින් සිව් දෙනෙකුට එරෙහිව එක්සත් රාජධානිය විසින් සම්බාධක පැනවීමට ගනු ලැබ ඇති තීරණය පිළිබඳව අමාත්‍ය මණ්ඩලයේ අවධානය යොමුව ඇති අතර අදාළ විෂය පිළිබඳව ප්‍රවීණතාවක් සහිත අන් කවර හෝ නිලධාරියෙකුගේ/විද්වතෙකුගේ සේවය ලබා ගැනීම සඳහා එම කමිටුව වෙත බලය පැවරීමට එහිදී තීරණය වී ඇති බව සඳහන්.
ඒ අනුව විදේශ කටයුතු අමාත්‍ය විජිත හේරත්, අධිකරණ සහ ජාතික ඒකාබද්ධතා අමාත්‍ය හර්ෂණ නානායක්කාර සහ ආරක්ෂක නියෝජ්‍ය අමාත්‍ය අරුණ ජයසේකර යන මහත්වරුන් අදාළ කමිටුව සඳහා පත් කර තිබෙනවා.