සාර්ථකව පැවති චීන සංවර්ධන සංසදයේ 2025 වාර්ෂික රැස්වීම
චීන සංවර්ධන සංසදයේ 2025 වාර්ෂික රැස්වීම පසුගියදා බෙයිජිං නගරයේ Diaoyutai ජාතික නිවාඩු නිකේතනයේ දී ආරම්භ වී තිබෙනවා.
මෙය, චීනයේ ‘සැසිවාර දෙකෙන්’ පසු පැවති පළමු මහා පරිමාණ ජාතික මට්ටමේ ජාත්‍යන්තර සංසද අවස්ථාවයි.
මෙම රැස්වීමට අන්තර් ජාතික සමාගම් 100 කට අධික සංඛ්‍යාවක් සහභාගී වූ අතර ප්‍රථම වරට ඊට එක් වූ අන්තර් ජාතික සමාගම් සංඛ්‍යාව ද නව වාර්තාවක් පිහිටුවන්නට සමත් වුණා.
මෙවර සංසදයේ තේමාව ” සංවර්ධන ගම්‍යතාවය සම්පූර්ණයෙන් විදහා පාමින් ගෝලීය ආර්ථිකයේ ස්ථාවර වර්ධනය ඒකාබද්ධව ප්‍රවර්ධනය කිරීම” යන්නයි.
රැස්වීම අතරතුර, දෙස් විදෙස් ආරාධිතයෝ සාර්ව ප්‍රතිපත්ති, ප්‍රතිසංස්කරණ, පරිභෝජනය ඉහළ නැංවීම, නව ගුණාත්මක ඵලදායිතාව, කෘත්‍රිම බුද්ධිය යනාදී මාතෘකා කෙරෙහි අවධානය යොමු කරනු ලැබුවා.
මෑතකදී බොහෝ ජාත්‍යන්තර ආයෝජකයින් චීනයේ ආර්ථිකය සහ චීනයේ වත්කම් පිළිබඳව ධනාත්මකව සිටින බවත් ජාත්‍යන්තර ප්‍රාග්ධනය චීනයට ආපසු පැමිණ චීන සංවර්ධනයේ ප්‍රතිලාභ පොදුවේ බෙදා ගැනීම හෘදයාංගමව පිළි ගන්නා බවත් එම රැස්වීමට එක්වූ චීන මධ්‍යම මූල්‍ය හා ආර්ථික කොමිෂන් සභාවේ දෛනික කටයුතු භාර නියෝජ්‍ය අධ්‍යක්ෂ Han Wenxiu මහතා ප්‍රකාශ කළා.
චීන සංවර්ධන සංසදයේ දී මතු වූ කරුණු අතර ඉහළ ගුණාත්මක සංවර්ධනය සහ ඉහළ මට්ටමේ විවෘතභාවය ප්‍රවර්ධනය කිරීමෙහි චීනය නියැළී සිටීමත්, චීනයේ නවෝත්පාදන නැඹුරුතාව ලෝකයට සංවර්ධන ප්‍රතිඵල බෙදා ගැනීමට ඉඩ සලසන අතර ගෝලීය පොදු සමෘද්ධියට නව ශක්තියක් එකතු කළ බවත් පැමිණි ආරාධිතයින් පෙන්වා දුන්නා.
මෙවර සංසදයට රටවල් 21ක අන්තර් ජාතික ව්‍යවසායන්වල නියෝජිතයෝ 86 දෙනෙක් සහභාගී වූ අතර ඔවුන් චීනයේ විශාල සංවර්ධන අවස්ථා අගය කරනු ලැබුවා.
චීනයේදී පර්යේෂණ සහ සංවර්ධන මධ්‍යස්ථාන පිහිටුවීම බොහෝ අන්තර් ජාතික සමාගම්වල පොදු තේරීමක් වෙමින් පවතින අතර නවෝත්පාදන සම්බන්ධයෙන් චීන සමාගම් සමඟ වඩාත් ගැඹුරු සහයෝගීතාවයක් අපේක්ෂා කරන බව රැස්වීමට සහභාගී වූ ආරාධිතයින් ප්‍රකාශ කළා.
වර්තමානයේ චීනය, ගෝලීය තාක්ෂණික නවෝත්පාදනයේ වැදගත් මූලාශ්‍රයක් බවට පත්ව ඇති හෙයින් විදේශ ව්‍යාපාර චීනයේ ආයෝජන වැඩි කරමින් සිටීම කැපී පෙනෙන්නක් වනවා.
මේ අතරම චීනයේ උසස් මට්ටමේ උපකරණ නිෂ්පාදනය ද සිය විදේශීය ව්‍යාප්තිය වේගවත් කරමින් ලෝකයට පොහොසත් තාක්‍ෂණ සැපයුමක් ලබා දෙමින් පැවතීම ද ජාත්‍යන්තරයේ වැඩි අවධානයට ලක්ව තිබෙනවා.