සිගරට් තොගයක් සමඟ සැකකාරියන් දෙදෙනෙකු අත්අඩංගුවට

නීති විරෝධී ලෙස ගුවන් මගින් මෙරටට ගෙන්වන ලද සිගරට් තොගයක් සමඟ සැකකාරියන් දෙදෙනෙකු අත්අඩංගුවට ගෙන තිබෙනවා

අබුඩාබි සිට මෙරටට නීති විරෝධී ලෙස මෙරටට රැගෙන එන ලද සිගරට් 20,000 (කාටුන් 100 ක්) සහ සිගරට් 31,000 (කාටුන් 155 ක්) සන්තකයේ තබාගෙන සිටි කාන්තාවන් දෙදෙනෙකුයි මෙලෙස අත්අඩංගුවට ගෙන ඇත්තේ

ඊයේ (20) රාත්‍රීයේ පොලිස් මත්ද්‍රව්‍ය කාර්යංශයේ ගුවන්තොටුපල ඒකකයේ නිලධාරීන් විසින් වැටලීමක් සිදුකර තිබෙනවා

අත්අඩංගුවට ගත් සැකකාරියන් අවුරුදු 31 හා 40 වයස්වල පසුවන තිස්සමහාරාමය සහ ඇත්කඳුර ප්‍රදේශවල පදිංචිකාරියන් වන අතර වැඩිදුර විමර්ශන පොලිස් මත්ද්‍රව්‍ය කාර්යංශය මගින් සිදු කරනු ලබන බව සඳහන්