සුනඛයකු පොළවේ ගසා ඔයකට විසි කළ තරුණයෙක් රිමාන්ඩ් (VIDEO)
නානු ඔය එඩින්බරෝවත්ත ප්‍රදේශයේ දී සුනඛයෙකුට අමානුෂික ලෙස පහරදී නානු ඔය ඇළට විසි කළ තරුණයෙක් පිළිබඳ පුවතක් අප පසුගියදා වාර්තා වුණා.
අදාළ සැකකාර තරුණයා අත්අඩංගුවට ගෙන නුවරඑළිය අධිකරණයට ඉදිරිපත් කිරීමෙන් පසු ලබන 10 වැනිදා දක්වා රක්ෂිත බන්ධනාගාරගත කළ බවයි නානුඔය පොලීසිය සඳහන් කළේ.
අසල්වැසියන් සමඟ ඇති කරගත් ආරවුලක් මත අසල්වැසියා සුරතලයට ඇති කරන සුනඛයෙකුට අමානුශික අන්දමින් පහර දී නානු ඔය ඇළට වීසි කරන දර්ශන සහිත පුවත අප වාර්තා කළේ පසුගිය 27 වනදායි.
අසල්වැසි කාන්තාව නානු ඔය පොලිසීයට පැමිණිල්ලක් කර ඇති අතර එහිදී පොලිසිය විසින් සැකකාර 17 හැවිරිදි එම තරුණයා අත් අඩංගුවට ගෙන තිබෙනවා.
පොලිසිය සිදුකළ ප්‍රශ්ණ කිරීම් වලදී තරුණයා පවසා ඇත්තේ තමන් ඇති කරන බළල් පැටවෙකු සපා කා තුවාල කිරීම හේතුවෙන් අසල්වැසි සුනඛයා හට එලෙස පහර දුන් බවයි.
අදාළ තරුණයා නුවරඑළිය මහේස්ත්‍රාත් අධිකරණයට ඉදිරිපත්කිරීමෙන් පසු ලබන 10 වැනිදා රක්ෂිත බන්ධනාගාරගත කර ඇති අතර එම සිදුවීම වීඩියෝගත කළ පුද්ගලයාවද සොයා විමර්ශන ක්‍රියාත්මක බව නානු ඔය පොලිසිය සඳහන් කළා.