සුළි කුණාටුව දිවයිනෙන් බැහැර වී තමිල්නාඩුව දෙසට ගම්න් කරයි
මෙතෙක් පැවති සුළි කුණාටු තත්ත්වය දිවයිනෙන් බැහැරට ගමන් කරමින් පවතින බවත් ඉදිරි දිනවල සාමාන්‍ය කාලගුණ තත්ත්වයක් පවතිනු ඇති බවත් කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල් අතුල කරුණානායක මහතා පවසනවා.
ඔහු පැවසුවේ මේ වනවිට සුළි කුණාටුව පැයට කි.මී. 150 ක පමණ වේගයෙන් ඉන්දියාවේ තමිල්නාඩු වෙරළ තී‍රය දෙසට ගමන් කටමින් තිබෙන බවයි.
සුළි කුණාටුව දුර්වල වෙමින් ගැඹුරු පෑඩන අවපාතයක් දක්වා පරිවර්තනය වෙමින් එය ගමන් කරන බවත් කරුණානායක මහතා පෙන්වා දුන්නා.
ඉදිරි දිනවක උතුර,උතුරු මැද,වයඹ,බස්නාහිර, සබරගමුව සහ මධ්‍යම පළාත්වලට සුළු වැසි අතිවිය හැකි බවටත් අතුල කරුණානායක මහතා අනාවැකි පළ කළා.
කාලගුණ විද්‍යා දෙපාර්තමේන්තුවේ අධ්‍යක්ෂ ජනරාල්වරයා පවසන්නේ වෙරළබඩ ආශ්‍රිත් මූදු තීරයේ සුළඟේ වේගය ප.කි.මී. 50 – 60 ත් දක්වා ඉහළ යා හැකි බැවින් ත්‍රිකුණාමලය , කන්කසන්තුරය සිට පුත්තලම දක්වා මුහුදු තීරයේ ධීවර ප්‍රජාව අදත් මුහුදු හාමෙන් වැලකී සිටීම වඩාත් සුදුසු බවයි.